‘బిలీవ్‌’తో భాగస్వామ్యం

ప్రముఖ నిర్మాణ సంస్థ సురేష్‌ ప్రొడక్షన్స్‌ ‘ఎస్‌.పీ’ మ్యూజిక్‌ లేబుల్‌తో సంగీతరంగంలోకి అడుగుపెట్టిన విషయం తెలిసిందే. తొలి ప్రయత్నంగా ‘నారప్ప’ చిత్ర ఆల్బమ్‌ను విడుదల చేశారు. తాజాగా పారిస్‌కు చెందిన ‘బిలీవ్‌’ కంపెనీతో ఎస్‌.పీ మ్యూజిక్‌ జత కట్టింది. వీరిద్దరి భాగస్వామ్యంలో ‘నారప్ప’ సినిమా సంగీతాన్ని ప్రపంచ వేదికపై ప్రమోట్‌ చేయనున్నారు. ప్రపంచంలో అతిపెద్ద డిజిటల్‌ మ్యూజిక్‌ కంపెనీ అయిన ‘బిలీవ్‌’తో భాగస్వామ్యం తెలుగు సంగీత ప్రపంచంలో కొత్త శకానికి నాంది పలుకుతుందని సురేష్‌బాబు ఆనందం వ్యక్తం చేశారు. ఆయన మాట్లాడుతూ “బిలీవ్‌’ ప్లాట్‌ఫామ్‌ ద్వారా ప్రపంచవ్యాప్తంగా ఉన్న సంగీతప్రియులకు చేరువకావాలని ఆశిస్తున్నాం. ఈ భాగస్వామ్యంలో మరిన్ని సినిమాలు రావాలని కోరుకుంటున్నా’ అన్నారు. దక్షిణాది దిగ్గజ నిర్మాణ సంస్థతో తాము భాగస్వామ్యం కావడం సరికొత్త అవకాశాలకు వేదికగా నిలుస్తుందని బిలీవ్‌ ఇండియా ఎండీ వివేక్‌ రైనా తెలిపారు.