టాప్‌లో రజనీ మూవీనే

సూపర్‌స్టార్‌ రజనీకాంత్‌ కొత్త సినిమాల జోరు తగ్గడంలేదు. ప్రస్తుతం ఈ సౌతిండియా స్టార్‌ మూడు చిత్రాల్లో నటిస్తున్నారు.

సూపర్‌స్టార్‌ రజనీకాంత్‌ కొత్త సినిమాల జోరు తగ్గడంలేదు. ప్రస్తుతం ఈ సౌతిండియా స్టార్‌ మూడు చిత్రాల్లో నటిస్తున్నారు. వీటిలో ‘జైలర్‌’ చిత్రీకరణలో ఉంది. మరో రెండు సినిమాలు సన్నాహాల్లో ఉన్నాయి. ఇటీవల రజనీ సినిమాలు ఆదరణ పొందకున్నా, ఆయన బాక్సాఫీస్‌ వద్ద క్రియేట్‌ చేసిన రికార్డులు మాత్రం చెక్కు చెదరడం లేదు.

రజనీకాంత్‌ నటించిన ‘2.ఓ’ సినిమా ఇప్పటికీ తమిళ ఇండస్ట్రీలో బిగ్గెస్ట్‌ బ్లాక్‌ బస్టర్‌గా తన స్థానాన్ని కాపాడుకుంటున్నది. ఇటీవలి ‘పొన్నియన్‌ సెల్వన్‌ 1’, కమల్‌ హాసన్‌ ‘విక్రమ్‌’ ఘన విజయాలు సాధించాయి. ట్రేడ్‌ వర్గాల తాజా గణాంకాల ప్రకారం ఈ రెండు సినిమాలు సాధించిన కలెక్షన్స్‌ రజనీ ‘2.ఓ’ వసూళ్లను దాటలేకపోయాయి. ‘2.ఓ’తో చూస్తే ‘పొన్నియన్‌ సెల్వన్‌ 1’ రూ.25 కోట్ల దాకా వెనకబడింది. ప్రేక్షకుల నుంచి దాదాపు 500 కోట్ల రూపాయలు రాబట్టిన ఈ చారిత్రక నేపథ్య చిత్రం రజనీ సినిమా తర్వాతి స్థానంలో నిలిచింది. కమల్‌ హాసన్‌ ‘విక్రమ్‌’ మూడో స్థానానికి పరిమితమైంది.