మంత్రి పదవి కోసమే ఢిల్లీ ప్రదక్షిణలు.. మాజీ మంత్రి తాటికొండ
కడియం శ్రీహరి తన కూతురిని వెంటబెట్టుకుని ఢిల్లీకి, ముఖ్యమంత్రి రేవంత్రెడ్డి వద్దకు చకర్లు కొట్టేది ఘనపూర్ నియోజకవర్గ అభివృద్ధి కోసం కాదని, కేవలం తన మంత్రి పదవి కోసమేనని మాజీ డిప్యూటీ సీఎం తాటికొండ రాజయ్య ఆరోపించారు.
- నియోజకవర్గానికి కడియం చేసింది శూన్యం
- అభివృద్ధిపై చర్చకు సిద్ధమా?
- దమ్ముంటే రాజీనామా చేసి ఎన్నికలకు రావాలి
హైదరాబాద్, సెప్టెంబర్ 29 (నమస్తే తెలంగాణ) : కడియం శ్రీహరి తన కూతురిని వెంటబెట్టుకుని ఢిల్లీకి, ముఖ్యమంత్రి రేవంత్రెడ్డి వద్దకు చకర్లు కొట్టేది ఘనపూర్ నియోజకవర్గ అభివృద్ధి కోసం కాదని, కేవలం తన మంత్రి పదవి కోసమేనని మాజీ డిప్యూటీ సీఎం తాటికొండ రాజయ్య ఆరోపించారు. మంత్రి పదవి కోసమే ఆయన కాంగ్రెస్ పార్టీలోకి మారారని, 25 మంది ఎమ్మెల్యేలు తన వెంట వస్తే మంత్రి పదవి ఇస్తామన్న ఆశతో కాంగ్రెస్లోకి వెళ్తే, తీరా పది మంది కూడా వెళ్లకపోవడంతో ఆయన ఆశలు అడియాసలయ్యాయని మంగళవారం ఒక ప్రకటనలో ఎద్దేవా చేశారు. తాను దళితుడనని చెప్పుకొనే కడియం శ్రీహరి, ఘనపూర్ లేదా పర్వతగిరిలో దళితుల కోసం చేసింది ఏమీ లేదని విమర్శించారు.
కులాన్ని అడ్డుపెట్టుకుని అన్ని రాజకీయ పదవులు అనుభవించినా, ఏ ఒక దళితుడిని ఎదిగేలా చేయలేదని మండిపడ్డారు. కడియం సాధించింది ఏమైనా ఉందంటే అది ఒక ‘దళిత దొర’ బిరుదు మాత్రమేనని ధ్వజమెత్తారు. కేసీఆర్, కేటీఆర్, హరీశ్రావులపై మాటిమాటికీ విమర్శలు చేయడం మానుకోవాలని, సిగ్గు, శరం ఉంటే వెంటనే తన పదవికి రాజీనామా చేసి ఎన్నికల బరిలోకి రావాలని సవాల్ విసిరారు.
తాను జనగామ జిల్లా ఏర్పాటు, ఘనపూర్ రెవెన్యూ డివిజన్, హెల్త్ యూనివర్సిటీ, ఫె్లైఓవర్ బ్రిడ్జి, పాలిటెక్నిక్, మహిళా డిగ్రీ కళాశాలలు, కస్తూర్బా పాఠశాలలు, చెరువుల మరమ్మతులు, పల్లె ప్రకృతి వనాలు, వైకుంఠధామాల నిర్మాణాలు కేసీఆర్ ఆశీస్సులతోనే సాధ్యమయ్యాయని వివరించారు. కడియం అభివృద్ధిపై శ్వేతపత్రం విడుదల చేయాలని, అంబేదర్ విగ్రహం వద్ద బహిరంగ చర్చకు రావాలని సవాల్ విసిరారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
HCU | హెచ్సీయూలో ఫుడ్ పాయిజన్.. 30 మందికిపైగా విద్యార్థులకు అస్వస్థత
Nitesh Tiwari | బాక్సాఫీస్ చరిత్రలో నితేష్ తివారి కొత్త రికార్డు.. రెండు సార్లు రూ.1500 కోట్ల క్లబ్లోకి చేరిన తొలి ఇండియన్ డైరెక్టర్!
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

