Scene | సూర్య ‘సీన్’ సినిమాపై సూపర్‌స్టార్ మహేశ్‌బాబు ప్రశంసలు!

Scene Movie | సూర్య హీరోగా జితూ మాధవన్ దర్శకత్వంలో తెరకెక్కిన తాజా క్రైమ్ కామెడీ చిత్రం ‘సీన్’ బాక్సాఫీస్ వద్ద సంచలన విజయంతో దూసుకుపోతోంది.

Superstar Mahesh Babu | సూర్య హీరోగా జితూ మాధవన్ దర్శకత్వంలో తెరకెక్కిన తాజా క్రైమ్ కామెడీ చిత్రం ‘సీన్’ బాక్సాఫీస్ వద్ద సంచలన విజయంతో దూసుకుపోతోంది. నవంబర్ 6న ప్రేక్షకుల ముందుకు వచ్చిన ఈ సినిమా, విడుదలైన కేవలం నాలుగు రోజుల్లోనే ప్రపంచవ్యాప్తంగా రూ.150 కోట్లకు పైగా వసూళ్లను సాధించి అద్భుతమైన రికార్డులను సృష్టించింది. ఈ చిత్రంలో సూర్య పవర్‌ఫుల్ పోలీస్ అధికారిగా నటించి ప్రేక్షకులను కట్టిపడేశారు.

అయితే సినిమా చూసిన టాలీవుడ్ సూపర్ స్టార్ మహేశ్‌బాబు సోషల్ మీడియా వేదికగా ఈ చిత్రంపై ప్రశంసల వర్షం కురిపించారు. ‘సీన్’ సినిమా అద్భుతంగా ఉందని, ఎంతో కూల్‌గా, తెలివిగా, సరదాగా సాగిపోయిందని ఆయన కొనియాడారు. సూర్య తన పాత్రలో అసాధారణ నటన కనబరిచారని, నజ్రియా మరియు నస్లేన్ తమ నటనతో ఆకట్టుకున్నారని తెలిపారు. దర్శకుడు జితూ మాధవన్ రాసిన విధానం, తెరకెక్కించిన తీరు చాలా బాగున్నాయని, ప్రతి విభాగం సినిమాకు హైలైట్‌గా నిలిచిందని మహేశ్‌బాబు ప్రశంసించారు. ప్రతి ఒక్కరూ కచ్చితంగా చూడాల్సిన చిత్రాలలో ‘సీన్’ ఒకటని ఆయన పేర్కొన్నారు.