కాపుకాసే ‘కొరివి’ దెయ్యం

మాయా నది ప్రాంతంలో ఉన్న ఓ నిధికి కాపుకాసే కొరివి దెయ్యం నేపథ్యంలో రూపొందిస్తున్న చిత్రం ‘కొరివి’. ‘ఎస్‌ఆర్‌ కల్యాణమండపం’ ఫేమ్‌ శ్రీధర్‌ గాదె దర్శకత్వం వహిస్తున్న ఈ చిత్రాన్ని వెంకట్‌ తలారి నిర్మిస్తున్నారు.

మాయా నది ప్రాంతంలో ఉన్న ఓ నిధికి కాపుకాసే కొరివి దెయ్యం నేపథ్యంలో రూపొందిస్తున్న చిత్రం ‘కొరివి’. ‘ఎస్‌ఆర్‌ కల్యాణమండపం’ ఫేమ్‌ శ్రీధర్‌ గాదె దర్శకత్వం వహిస్తున్న ఈ చిత్రాన్ని వెంకట్‌ తలారి నిర్మిస్తున్నారు. ఈశ్వర్‌ రాచిరాజు, నందు మురళీధర్‌, లిఖిత హీరోహీరోయిన్లుగా నటిస్తున్నారు. శనివారం ఈ సినిమా టైటిల్‌ను ప్రకటించారు.

ఈ సందర్భంగా విడుదల చేసిన టైటిల్‌ గ్లింప్స్‌ ఆద్యంతం ఉత్కంఠను పంచింది. యూనిర్‌ హారర్‌ థ్రిల్లర్‌ ఇదని, గ్రామీణ నేపథ్యంలో అనూహ్య మలుపులతో సాగుతుందని మేకర్స్‌ తెలిపారు. పూజిత పొన్నాడ, సింధు కాసారం, సురేష్‌ గురు, రాయల్‌శ్రీ, మట్టా శివకుమార్‌ తదితరులు నటిస్తున్న ఈ చిత్రానికి కెమెరా: సతీష్‌ రెడ్డి మాసం, సంగీతం: సాయికార్తీక్‌, రచన-దర్శకత్వం: శ్రీధర్‌ గాదె.