Sunny Deol | గదర్‌-2 తెచ్చిపెట్టిన క్రేజ్‌.. షూటింగ్‌కు ముందే సన్నీడియోల్ కొత్త సినిమాకు వంద కోట్ల డీల్‌..!

Sunny Deol | ఈ ఏడాది బిగ్గెస్ట్‌ హిట్లలో గదర్‌-2 ఒకటి. రిటైర్‌మెంట్‌కు దగ్గరలో ఉన్న సన్నీ డియోల్ రూ.500 కోట్లు కొల్లగొట్టే సినిమాలో భాగం అవుతాడని బహుశా ఆయన కూడా ఊహించి ఉండడు.

Sunny Deol | ఈ ఏడాది బిగ్గెస్ట్‌ హిట్లలో గదర్‌-2 ఒకటి. రిటైర్‌మెంట్‌కు దగ్గరలో ఉన్న సన్నీ డియోల్ రూ.500 కోట్లు కొల్లగొట్టే సినిమాలో భాగం అవుతాడని బహుశా ఆయన కూడా ఊహించి ఉండడు. ఎప్పుడో సోలో హీరోగా మార్కెట్ కోల్పోయిన సన్నీ డియోల్‌ ఇలా ఊహకందని రేంజ్‌లో ఖాన్‌, కపూర్‌ల సినిమాలను బ్రేక్‌ చేస్తూ సంచలన రికార్డులు నెలకొల్పాడు. బి.సి సెంటర్‌ల ప్రేక్షకులను మెప్పించగలిగితే ఆ సినిమా కలెక్షన్‌లు ఏ రేంజ్‌లో ఉంటాయో గదర్‌-2 నిరూపించింది. సినిమా రిలీజై రెండు నెలలు దగ్గరికొస్తున్నా.. ఇంకా కొన్ని చోట్ల డీసెంట్‌ కలెక్షన్‌లు రాబడుతుంది. ఇక సన్నీ డియోల్‌కు ఈ సినిమా తెచ్చిపెట్టిన క్రేజ్‌ అంతా ఇంతా కాదు.

ప్రస్తుతం సన్నీ డియోల్‌.. అమీర్‌ ఖాన్ ప్రొడక్షన్‌లో ఓ సినిమా చేస్తున్నాడు. సన్నీకి దామిని, ఘాయల్, ఘాతక్ వంటి హ్యాట్రిక్‌ హిట్లిచ్చిన రాజ్‌ కుమార్‌ సంతోషి ఈ సినిమాకు దర్శకుడు. ప్రస్తుతం ఈ సినిమా ప్రీ ప్రొడక్షన్‌ పనులు జరుపుకుంటున్న ఈ సినిమా త్వరలోనే షూటింగ్‌ మొదలు పెట్టనుంది. ఇక ఇదిలా ఉంటే తాజాగా ఈ సినిమాకు సంబంధించిన ఓ న్యూస్‌ నెట్టింట తెగ హల్‌ చల్‌ చేస్తుంది. షూటింగ్‌ మొదలు కాకముందే ఈ సినిమాకు ఓ పేరున్న ఓటీటీ సంస్థ అక్షరాల వంద కోట్ల డీల్‌ను ఆఫర్‌ చేసిందట. అయితే అమీర్‌ ఇంకా మంచి రేటు వస్తుందనే ఉద్దేశంతో ఇంకా నిర్ణయం చెప్పలేదట.

ఇక ఈ సినిమాకు జిస్నే లాహోర్ నహీ దేఖా అనే పేరును పరిశీలనలో ఉంచారట. 1947 ఇండియా పాకిస్థాన్ విభజన టైంలో లక్నో నుంచి లాహోర్ వెళ్లిన శరణార్ధుల విషాద పరిణామాల చుట్టూ తిరిగే కథగా ఈ సినిమా ఉండబోతుందని హిందీ మీడియాల సమాచారం. ప్రస్తుతం చిత్ర యూనిట్ నటీ నటులను ఎంపిక చేసే పనిలో పడ్డారట.