‘స్పిరిట్‌’ అక్కడే మొదలు..

ప్రభాస్‌ కథానాయకుడిగా సందీప్‌రెడ్డి వంగా దర్శకత్వంలో తెరకెక్కనున్న ‘స్పిరిట్‌' ఎప్పుడు సెట్స్‌మీదకు వెళ్తుందోనని అభిమానులు ఆసక్తిగా ఎదురుచూస్తున్నారు. ఈ సినిమా ప్రకటన నాటి నుంచే భారీ అంచనాలేర్పడ్డాయి. ప్రభాస్‌ కటౌట్‌కి సందీప్‌ రెడ్డి వంగా శైలి అగ్రెసివ్‌ ప్రజెంటేషన్‌ తోడైతే ఇక బాక్సాఫీస్‌ రికార్డులు బద్దలే అంటున్నారు.

ప్రభాస్‌ కథానాయకుడిగా సందీప్‌రెడ్డి వంగా దర్శకత్వంలో తెరకెక్కనున్న ‘స్పిరిట్‌’ ఎప్పుడు సెట్స్‌మీదకు వెళ్తుందోనని అభిమానులు ఆసక్తిగా ఎదురుచూస్తున్నారు. ఈ సినిమా ప్రకటన నాటి నుంచే భారీ అంచనాలేర్పడ్డాయి. ప్రభాస్‌ కటౌట్‌కి సందీప్‌ రెడ్డి వంగా శైలి అగ్రెసివ్‌ ప్రజెంటేషన్‌ తోడైతే ఇక బాక్సాఫీస్‌ రికార్డులు బద్దలే అంటున్నారు. ఈ సినిమా షూటింగ్‌పై తాజా అప్‌డేట్‌ను అందించారు దర్శకుడు సందీప్‌రెడ్డి వంగా. ప్రస్తుతం తాను ఈ సినిమాకు సంబంధించిన లొకేషన్స్‌ అన్వేషణలో ఉన్నానని, మెక్సికోలో షూటింగ్‌ను మొదలుపెట్టే ఆలోచన ఉందని తెలిపారు. ఈ ప్రకటనతో వేసవిలోగా ఈ సినిమా సెట్స్‌పైకి వెళ్లే ఛాన్స్‌ ఉందనే మాటలు వినిపిస్తున్నాయి. ‘స్పిరిట్‌’ చిత్రంలో ప్రభాస్‌ నిజాయితీ కలిగిన పోలీసాఫీసర్‌ పాత్రలో కనిపించనున్నారు. కెరీర్‌లో తొలిసారి ఆయన కాప్‌ రోల్‌లో నటిస్తుండటం విశేషం. భారీ వ్యయంతో టీ సిరీస్‌ పతాకంపై భూషణ్‌ కుమార్‌ నిర్మించనున్నారు.