Spider-Man Brand New Day | ‘స్పైడర్ మ్యాన్: బ్రాండ్ న్యూ డే’ ఓటీటీలోకి.. రూ.299కే డిజిటల్ ప్రీమియర్

Spider-Man Brand New Day | మార్వెల్ అభిమానులు ఎప్పుడెప్పుడా అని ఎదురుచూస్తున్న ‘స్పైడర్ మ్యాన్: బ్రాండ్ న్యూ డే’ ఇప్పుడు డిజిటల్‌లోకి వచ్చేసింది. ప్రపంచవ్యాప్తంగా భారీ వసూళ్లతో సంచలనం సృష్టించిన ఈ చిత్రం తాజాగా భారతదేశంలో డిజిటల్ ప్రీమియర్ చేసుకుంది. అమెజాన్ ప్రైమ్ వీడియోలో ఈ సినిమాను ఎర్లీ యాక్సెస్ రెంటల్ విధానంలో అందుబాటులోకి తీసుకొచ్చారు. ప్రేక్షకులు రూ.299 చెల్లించి సినిమాను అద్దెకు తీసుకుని ఇంట్లోనే వీక్షించవచ్చు.

Spider-Man Brand New Day | మార్వెల్ అభిమానులు ఎప్పుడెప్పుడా అని ఎదురుచూస్తున్న ‘స్పైడర్ మ్యాన్: బ్రాండ్ న్యూ డే’ ఇప్పుడు డిజిటల్‌లోకి వచ్చేసింది. ప్రపంచవ్యాప్తంగా భారీ వసూళ్లతో సంచలనం సృష్టించిన ఈ చిత్రం తాజాగా భారతదేశంలో డిజిటల్ ప్రీమియర్ చేసుకుంది. అమెజాన్ ప్రైమ్ వీడియోలో ఈ సినిమాను ఎర్లీ యాక్సెస్ రెంటల్ విధానంలో అందుబాటులోకి తీసుకొచ్చారు. ప్రేక్షకులు రూ.299 చెల్లించి సినిమాను అద్దెకు తీసుకుని ఇంట్లోనే వీక్షించవచ్చు. భారతీయ ప్రేక్షకులను దృష్టిలో పెట్టుకుని ‘స్పైడర్ మ్యాన్: బ్రాండ్ న్యూ డే’ను పలు భాషల్లో అందుబాటులోకి తీసుకొచ్చారు. తెలుగు, హిందీ, తమిళం, మలయాళం భాషల్లో ఈ సినిమా వీక్షించే అవకాశం ఉంది. దీంతో థియేటర్లలో మార్వెల్ యాక్షన్‌ను మిస్ అయిన అభిమానులు ఇప్పుడు తమ ఇళ్ల నుంచే పీటర్ పార్కర్ సాహసాలను ఆస్వాదించవచ్చు.

స్పైడర్ మ్యాన్ ఫ్రాంచైజీకి ప్రపంచవ్యాప్తంగా ఉన్న క్రేజ్ కారణంగా ఈ డిజిటల్ విడుదలపై కూడా భారీ ఆసక్తి నెలకొంది. ముఖ్యంగా థియేటర్లలో సినిమాను చూసిన అభిమానులు మరోసారి తమ అభిమాన సూపర్ హీరోను టీవీలో చూసేందుకు ఆసక్తి చూపుతున్నారు. ఈ సినిమాలో టామ్ హాలండ్ మరోసారి స్పైడర్ మ్యాన్‌గా తన ఐకానిక్ పాత్రలో కనిపించారు. ఆయనతో పాటు జెండయా, ‘స్ట్రేంజర్ థింగ్స్’ ద్వారా ప్రపంచవ్యాప్తంగా గుర్తింపు తెచ్చుకున్న సాడీ సింక్, యాక్షన్ నటుడు జాన్ బెర్న్‌థాల్ కీలక పాత్రల్లో నటించారు. ‘షాంగ్-చీ అండ్ ది లెజెండ్ ఆఫ్ ది టెన్ రింగ్స్’తో దర్శకుడిగా మంచి గుర్తింపు తెచ్చుకున్న డెస్టిన్ డానియల్ క్రెట్టన్ ఈ చిత్రానికి దర్శకత్వం వహించారు. మార్వెల్ స్టూడియోస్ తరహా భారీ యాక్షన్, విజువల్ ఎఫెక్ట్స్, సూపర్ హీరో సన్నివేశాలతో సినిమాను భారీ స్థాయిలో రూపొందించారు.

‘స్పైడర్ మ్యాన్: బ్రాండ్ న్యూ డే’ థియేటర్లలో భారీ విజయాన్ని అందుకుంది. ప్రపంచవ్యాప్తంగా అత్యధిక వసూళ్లు సాధించిన చిత్రాల జాబితాలో ‘అవతార్’, ‘అవెంజర్స్: ఎండ్‌గేమ్’ తర్వాత మూడో స్థానంలో నిలిచిన చిత్రంగా ఇది రికార్డు సృష్టించింది. భారీ వసూళ్లతో పాటు స్పైడర్ మ్యాన్ అభిమానుల నుంచి కూడా సినిమాకు మంచి స్పందన లభించింది. ఈ చిత్రాన్ని మార్వెల్ స్టూడియోస్ అధినేత కెవిన్ ఫైజీతో పాటు ప్రముఖ నిర్మాత అమీ పాస్కల్ నిర్మించారు. భారీ బడ్జెట్, స్టార్ కాస్ట్, అద్భుతమైన యాక్షన్ సన్నివేశాలు, మార్వెల్ సినిమాటిక్ యూనివర్స్‌కు సంబంధించిన అంశాలు సినిమాపై ఆసక్తిని మరింత పెంచాయి. సాధారణంగా భారీ హాలీవుడ్ చిత్రాల ఓటీటీ విడుదల కోసం ప్రేక్షకులు కొంతకాలం వేచి చూడాల్సి ఉంటుంది. అయితే ‘స్పైడర్ మ్యాన్: బ్రాండ్ న్యూ డే’ విషయంలో ఎర్లీ యాక్సెస్ రెంటల్ ద్వారా ప్రేక్షకులకు ముందుగానే డిజిటల్‌లో చూసే అవ‌కాశం లభించింది.