ఒకప్పుడు టాలీవుడ్‌లో చక్రం తిప్పిన ఈ హీరోయిన్ ను గుర్తు పట్టారా..?

November 27, 2021 / 06:22 PM IST

sonali bendre | ఇక్కడ ఫోటోలో కనిపిస్తున్న ఈ హీరోయిన్ ఎవరో గుర్తు పట్టారా..? ఎక్కడో చూసినట్లు ఉంది కదా..? మరొకసారి కాన్సంట్రేట్ చేసి చూడండి ఈ హీరోయిన్ ఎవరో మీకు అర్థమవుతుంది మీ ఊహలోకి వచ్చిన ఆ పేరు కరెక్టే. ఒకప్పుడు తెలుగు సినిమాల్లో వరుసగా నటించి సంచలన విజయాలు అందుకున్న ఆ హీరోయిన్ సోనాలి బింద్రే. ప్రేమికుల రోజు సినిమాతో తెలుగు ప్రేక్షకులకు దగ్గరైన ఈ ముద్దుగుమ్మ.. మహేశ్‌ బాబు హీరోగా నటించిన మురారి సినిమాతో నేరుగా తెలుగు ఆడియన్స్‌ను పలకరించింది. ఇందులో ఆమె నటనకు మంచి మార్కులు పడ్డాయి.

ఆ తర్వాత దాదాపు నాలుగేళ్ల పాటు వరుసగా సినిమాలు చేసింది సోనాలి బింద్రే. ఇంద్ర‌, ఖ‌డ్గం, మ‌న్మ‌థుడు, శంక‌ర్‌దాదా ఎంబీబీఎస్ వంటి సూప‌ర్ హిట్ సినిమాల‌తో తెలుగు ప్రేక్ష‌కుల‌కు చేరువైంది. ఆ త‌ర్వాత పెళ్లి చేసుకుని సినిమాల‌కు పూర్తిగా దూర‌మైపోయింది. కానీ అప్పుడే సోనాలి బింద్రే జీవితంలో మ‌రో ద‌శ మొద‌లైంది. క్యాన్స‌ర్ బారిన ప‌డి దాదాపు నాలుగేళ్ల పాటు ఆ మ‌హ‌మ్మారితో పోరాటం చేసింది. ఒకానొక ద‌శ‌లో ఆమె ఆరోగ్యం పూర్తిగా విష‌మించింది కూడా. లండ‌న్ వెళ్లి అక్క‌డే ఆరు నెల‌ల‌కు పైగా ఉండి చికిత్స తీసుకుని చివ‌ర‌కు క్యాన‌ర్స్‌ను జ‌యించింది సోనాలి బింద్రే. చాలా రోజుల గ్యాప్ త‌ర్వాత ఇప్పుడు సోనాలి బింద్రే మ‌ళ్లీ బుల్లితెర‌పై క‌నిపిస్తుంది. హిందీలో ప‌లు డ్యాన్స్ షోల‌కు జ‌డ్జిగా వ్య‌వ‌హ‌రిస్తుంది. ఈ సంద‌ర్భంగానే ఆమె మేక‌ప్ చేసుకుంటున్న ఒక ఫొటో ఇప్పుడు సోష‌ల్ మీడియాలో వైర‌ల్‌గా మారింది. ఇది చూసిన త‌ర్వాత సోనాలి బింద్రే అభిమానులు ఒకింత ఆశ్చ‌ర్యానికి గుర‌వుతున్నారు. గుర్తుప‌ట్ట‌లేకుండా ఇంత‌లా మారిపోయిందేంట‌ని షాక‌వుతున్నారు. ఇదిలా ఉంటే మంచి కథ దొరికితే తెలుగులో న‌టించ‌డానికి త‌న‌కు ఎలాంటి ఇబ్బంది లేద‌ని అని కూడా సోనాలి బింద్రే గ‌తంలో చెప్పింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి