Sonali bendre | నువ్వు పోరాట యోధురాలివి.. సోనాలి బింద్రేపై బాలీవుడ్ ప్ర‌ముఖుల ప్రశంస‌లు

February 4, 2022 / 09:29 PM IST

Sonali bendre | క్యాన్స‌ర్ మ‌హ‌మ్మారిని జ‌యించి ఎంతోమందికి స్ఫూర్తిగా నిలిచింది సోనాలి బింద్రే. 2018లో మెటాస్టాటిక్ క్యాన్స‌ర్ బారిన ప‌డిన సోనాలి బింద్రే మ‌నో ధైర్యంతో చికిత్స తీసుకుని ఆరోగ్యంగా బ‌య‌టకొచ్చింది. ఆ స‌మ‌యంలో సోనాలికి ఆమె భ‌ర్త‌, కుటుంబస‌భ్యులు ఎంతో అండ‌గా నిలిచారు. త‌ను ట్రీట్‌మెంట్ తీసుకుంటున్న స‌మ‌యంలో సోనాలి చెప్పిన మాట‌లు అభిమానుల‌ను, స్నేహితుల‌ను క‌దిలించాయి. వ‌ర‌ల్డ్ క్యాన్స‌ర్ డే సంద‌ర్భంగా మ‌రోసారి సోనాలి స్పందించింది.

క్యాన్సర్ జీవితాన్ని మరో దారిలోకి తీసుకెళ్తుంది. కానీ జీవితాన్ని అడ్డుకోదు. క్యాన్సర్ బారిన పడిన వాళ్లు జీవితంలో ఎంతో కష్టమైన పరిస్థితుల్లో ఉన్నట్లే. వాళ్లను వీలైనంత సౌకర్యంగా ఉండేలా చూసుకోవాలి. ధైర్యాన్ని అందించాలి. రెగ్యులర్‌గా వైద్య పరీక్షలు చేయించుకోవాలి. తొలి దశలో కేన్సర్‌ను నయం చేయడం సులువు అని సోషల్ మీడియా ద్వారా సందేశాన్నిచ్చింది.

View this post on Instagram

A post shared by Sonali Bendre (@iamsonalibendre)

సోనాలి బింద్రే పోస్టుకు బాలీవుడ్ ప్ర‌ముఖులు నుంచి ప్ర‌శంస‌లు వ‌స్తున్నాయి. నువ్వో పోరాట‌యోధురాలివి అని వాళ్లు కామెంట్స్ పెడుతున్నారు. నీకున్న మ‌నో ధైర్యం గొప్ప‌ది అంటూ ప్ర‌శంసిస్తున్నారు. క్యాన్స‌ర్ మ‌హ‌మ్మారి నుంచి కోలుకున్న సోనాలి బింద్రే ప్ర‌స్తుతం టీవీ షోలు చేస్తోంది.