Smriti Irani | టీవీ షోలోకి స్మృతి ఇరానీ రీఎంట్రీ.. అప్పట్లో రూ.1,800 పారితోషికం.. ఇప్పుడెంతంటే..?

Smriti Irani | కేంద్ర మాజీ మంత్రి, బీజేపీ నాయకురాలు స్మృతి ఇరానీ (Smriti Irani) మ‌ళ్లీ బుల్లితెరపైకి రీ ఎంట్రీ ఇస్తోంది.

Smriti Irani | కేంద్ర మాజీ మంత్రి, బీజేపీ నాయకురాలు స్మృతి ఇరానీ (Smriti Irani) మ‌ళ్లీ బుల్లితెరపైకి రీ ఎంట్రీ ఇస్తోంది. క్యోంకి సాస్ బీ క‌బీ బ‌హు తి (Kyunki Saas Bhi Kabhi Bahu Thi) సీరియల్‌తో ప్రేక్షకులను అలరించేందుకు సిద్ధమైన విషయం తెలిసిందే. రాజ‌కీయాల్లోకి రాక‌ముందు .. ఆమె ఇదే టీవీ సీరియల్‌లో నటించిన విషయం తెలిసిందే. అయితే ఫుల్ టైం రాజ‌కీయాల్లోకి వ‌చ్చాక ఆమె ఆ షోకు బ్రేక్ వేసింది. ఇప్పుడు మళ్లీ అదే సీరియల్‌తో బుల్లితెరపై సందడి చేసేందుకు రెడీ అయ్యింది. దానికి సంబంధించిన ఫ‌స్ట్ లుక్‌ కూడా ఇప్పటికే రిలీజ్ అయ్యింది. అయితే, ఇప్పుడు ఈ సీరియల్‌లో ఆమె పారితోషికం గురించి పెద్ద ఎత్తున చర్చ నడుస్తోంది.

క్యోంకి సాస్ బీ క‌బీ బ‌హు తీ సీరియ‌ల్ 2000 నుంచి 2008 మ‌ధ్య ప్రసార‌మైంది. ఏడేళ్ల పాటు వ‌రుస‌గా ఆ సీరియ‌ల్ నెంబ‌ర్ వ‌న్ స్పాట్‌లో ఉన్నది. అప్పట్లో ఆమె ఈ సీరియల్‌ కోసం ఎపిసోడ్‌కు రూ.1,800 పారితోషికంగా తీసుకున్నారు. ఇప్పుడు ఆ మొత్తం భారీగా పెరిగినట్లు తెలిసింది. ఒక్కో ఎపిసోడ్‌కు ఏకంగా రూ.14 లక్షలు తీసుకుంటున్నట్లు నివేదికలు వెల్లడిస్తున్నాయి. అయితే, ఈ మొత్తంపై ఎలాంటి అధికారిక ప్రకటనా రాలేదు. పలు మీడియా నివేదికల ప్రకారం.. తన రీఎంట్రీ సిరీస్‌లో స్మృతి ఒక్కో ఎపిసోడ్‌కు రూ.14 లక్షలు పారితోషికంగా అందుకోనున్నారు. ప్రస్తుతం ఈ వ్యవహారం హాట్‌టాపిక్‌గా మారింది.

తుల‌సీ వీర్వాని పాత్రలో..

తుల‌సీ వీర్వాని పాత్రలో స్మృతి ఇరానీ న‌టిస్తోంది. ఫ‌స్ట్ లుక్ డ్రెస్సులో.. స్మృతి మెరూన్ రంగు చీర‌లో ఉన్న‌ది. జ‌రీ ప‌ట్టు బోర్డర్ ఉన్న చీర‌ను ఆమె ధ‌రించింది. చాలా పెద్ద సైజులో ఉన్న ఎరుపు రంగ బొట్టు పెట్టుకున్న‌ది. బంగారు ఆభ‌ర‌ణంతో పాటు బ్లాక్ బీమ్ మంగ‌ళ‌సూత్రాన్ని ఆమె ధ‌రించింది. వీ ద వుమెన్ షోలో బ‌ర్కా ద‌త్త‌, క‌ర‌ణ్ జోహార్ తో మాట్లాడుతూ త‌న పాత్ర గురించి ఆమె తెలిపారు.

క్యోంకి సాస్ బీ క‌బీ బ‌హు తీ షోలో న‌టించాల‌న్న ఒప్పందం ఉంద‌ని, 2014లో మ‌ళ్లీ ఆ సిరీయ‌ల్ చేయాల‌న్న ఒప్పందం ఉంది అని, కానీ పార్లమెంట్‌కు ఎన్నిక కావ‌డం వ‌ల్ల టీవీ షో ఒప్పందాన్ని బ్రేక్ చేయాల్సి వ‌చ్చింద‌న్నారు. కేంద్ర మంత్రిగా ప్ర‌మాణం చేయాల‌ని పీఎంవో ఆఫీసు నుంచి కాల్ రాగానే త‌న నిర్ణ‌యాన్ని మార్చుకున్న‌ట్లు ఆమె వెల్ల‌డించారు. టీవీ, సినిమాల్లో న‌టించ‌డం క‌న్నా.. దేశానికి సేవ చేయ‌డం గొప్ప విష‌యం అవుతుంద‌ని రిషి క‌పూర్ చెప్పిన మాటల్ని ఆమె గుర్తు చేశారు.

Also Read..

“Smriti Irani | ఆ మార్పు తేకపోగా లిక్కర్‌ స్కామ్‌లో నిందితుడయ్యాడు.. కేజ్రీవాల్‌పై స్మృతి ఇరానీ కామెంట్స్‌”

“Smriti Irani | భిన్నమైన రాజకీయ వ్యూహంతో ముందుకెళ్తున్నారు.. రాహుల్‌పై స్మృతి ఇరానీ వ్యాఖ్యలు”

“PM Modi Cabinet | మోదీ క్యాబినెట్‌లో 37మంది తాజా మాజీలకు దక్కని చోటు”