వాళ్లిద్ద‌రూ నా వ‌ల్ల విడిపోలేదు.. ష‌ణ్ముఖ్‌, దీప్తి బ్రేక‌ప్‌పై స్పందించిన సిరి

January 15, 2022 / 04:01 PM IST

Siri Open about shanmukh and deepthi sunaina break up | బిగ్‌బాస్ సీజ‌న్ 5 తెలుగు సీజ‌న్ న‌డుస్తుండ‌గానే అంద‌రికీ అనిపించింది ఒక్క‌టే. సీజ‌న్ అయిపోగానే క‌చ్చితంగా ష‌ణ్ముఖ్ జ‌స్వంత్‌, దీప్తి సున‌యిన మ‌ధ్య పెద్ద‌ గొడ‌వ‌లే జ‌రుగుతాయ‌ని అనుకున్నారు. కానీ అంత‌కుమించే జ‌రిగింది. కొత్త సంవ‌త్స‌రం రోజే ష‌ణ్ముఖ్‌కు షాకిస్తూ దీప్తి సున‌యిన బ్రేక‌ప్ చెప్పింది. ఇన్‌స్టాగ్రామ్ వేదిక‌గా ఎమోష‌న‌ల్‌గా లేఖ పోస్టు చేసింది. అయితే వీరిద్ద‌రు విడిపోయింది మొద‌లు దీనికి కార‌ణం సిరినే అని సోష‌ల్ మీడియాలో ట్రోలింగ్స్ మొద‌ల‌య్యాయి. వీటిపై తాజాగా సిరి హ‌న్మంత్ స్పందించింది.

దీప్తి సున‌యిన‌, షణ్ముఖ్ విడిపోవడానికి నేనే కార‌ణ‌మంటూ ట్రోల్స్ రావ‌డంతో డిప్రెష‌న్‌కు గుర‌య్యాన‌ని సిరి హ‌న్మంత్ బాధ‌ప‌డింది. వారిద్ద‌రూ విడిపోవ‌డానికి తాను కార‌ణం కాద‌ని పేర్కొంది. బిగ్‌బాస్ హౌస్‌లో వంద రోజుల ప్రయాణంలో కంటెస్టెంట్స్ మ‌ధ్య ఎన్నో ఎమోష‌న్స్ ఉంటాయి. అయితే ష‌ణ్నూకి, నాకు మ‌ధ్య ఆ ఎమోష‌న్స్ ఎక్కువ‌య్యాయి. బిగ్‌బాస్ హౌస్‌లో ష‌ణ్ముఖ్‌, జెస్సీ నాకు మంచి ఫ్రెండ్స్‌. ర‌వి ఒక బ్ర‌ద‌ర్‌లా ఉన్నాడు. ష‌ణ్నూ నాకు మంచి స్నేహితుడు. దీప్తి కూడా నాకు ఫ్రెండే. వారిద్దరితోనూ నేను క‌లిసి వ‌ర్క్ చేశాను. కానీ వారిద్ద‌రూ నా వ‌ల్లే విడిపోయార‌ని అన‌డం క‌రెక్ట్ కాదు. వాళ్ల‌ది కేవ‌లం వంద రోజుల్లోనే విడిపోయేంత వీక్ ప్రేమ అని అనుకోవ‌డం లేదు. అని సిరి చెప్పుకొచ్చింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ , పేజీల‌ను ఫాలో అవ్వండి