భాగ్యనగరంలో SIFPA రెండో సమావేశం

సౌతిండియన్‌ ఫిల్మ్‌ ప్రొడ్యూసర్స్‌ అసోసియేషన్‌(SIFPA) రెండో సమావేశం ఆదివారం హైదరాబాద్‌లో జరిగింది. తెలుగు, తమిళ, మలయాళ, కన్నడ చిత్ర పరిశ్రమలకు చెందిన పలువురు నిర్మాతలు ఈ సమావేశంలో పాల్గొన్నారు.

సౌతిండియన్‌ ఫిల్మ్‌ ప్రొడ్యూసర్స్‌ అసోసియేషన్‌(SIFPA) రెండో సమావేశం ఆదివారం హైదరాబాద్‌లో జరిగింది. తెలుగు, తమిళ, మలయాళ, కన్నడ చిత్ర పరిశ్రమలకు చెందిన పలువురు నిర్మాతలు ఈ సమావేశంలో పాల్గొన్నారు. దక్షిణాది సినీపరిశ్రమలకు చెందిన పలు కీలక అంశాలపై విస్తృతంగా ఈ సమావేశంలో చర్చ జరిగింది.

చిత్ర నిర్మాణ వ్యయం, థియేట్రికల్‌ ఎగ్జిబిషన్‌, ఓటీటీ విండోయింగ్‌ విధానం, వర్క్‌ ఫోర్స్‌ సమన్వయం, ఫిల్మ్‌ ఫైనాన్సింగ్‌ స్థిరత్వం, దక్షిణభారత చిత్ర సంస్థల మధ్య బలమైన సహకారం తదితర అంశాలపై చర్చలు జరిగాయి. తదుపరి సమావేశం జూన్‌ 14న కొచ్చిలో నిర్వహించబడుతుందని, ఆ సమావేశంలో మరిన్ని నిర్మాణాత్మక చర్చలు జరుపుతామని, సమిష్టి కార్యక్రమాలు కొనసాగించబడతాయని SIFPA స్టీరింగ్‌ కమిటీ వెల్లడించింది.