పోరాటాల చిత్రీకరణలో భోగి

1960ల కాలంలో ఉత్తర తెలంగాణ, మహరాష్ట్ర సరిహద్దు ప్రాంతంలో జరిగిన కొన్ని యథార్థ సంఘటనల ఆధారంగా దర్శకుడు సంపత్‌ నంది తెరకెక్కిస్తున్న పాన్‌ ఇండియా పీరియడ్‌ యాక్షన్‌ డ్రామా ‘భోగి’. ‘ఎ బ్లడ్‌ ఫెస్ట్‌' అనేది ఉపశీర్షిక. శర్వానంద్‌ కథానాయకుడిగా, కె.కె.రాధామోహన్‌ నిర్మిస్తున్న ఈ సినిమా నిర్మాణ దశలో ఉంది.

1960ల కాలంలో ఉత్తర తెలంగాణ, మహరాష్ట్ర సరిహద్దు ప్రాంతంలో జరిగిన కొన్ని యథార్థ సంఘటనల ఆధారంగా దర్శకుడు సంపత్‌ నంది తెరకెక్కిస్తున్న పాన్‌ ఇండియా పీరియడ్‌ యాక్షన్‌ డ్రామా ‘భోగి’. ‘ఎ బ్లడ్‌ ఫెస్ట్‌’ అనేది ఉపశీర్షిక. శర్వానంద్‌ కథానాయకుడిగా, కె.కె.రాధామోహన్‌ నిర్మిస్తున్న ఈ సినిమా నిర్మాణ దశలో ఉంది. ప్రస్తుతం హైదరాబాద్‌లో నిర్మించిన ఓ భారీ సెట్‌లో యాక్షన్‌ సీక్వెన్స్‌ని తెరకెక్కిస్తున్నారు. ఈ ఏడాది ఆగస్ట్‌ 28న రక్షాబంధన్‌ కానుకగా ప్రపంచవ్యాప్తంగా సినిమా విడుదల కానుంది.

శుక్రవారం శర్వానంద్‌ పుట్టినరోజుని పురస్కరించుకొని ఈ సినిమా నుంచి ఓ ప్రత్యేక పోస్టర్‌ని మేకర్స్‌ విడుదల చేశారు. పెరిగిన జుట్టు, రగ్గడ్‌ గడ్డంతో బీడీ తాగుతూ.. మాస్‌ అవతారంలో కనిపిస్తున్న శర్వానంద్‌ని ఈ పోస్టర్‌లో చూడొచ్చు. బీడీ తాగుతూ ఆ పొగ వదలుతున్న విధా నం, చెమటతో తడిచిన ముఖం ఓ రియలిజాన్ని ఆవిష్కరిస్తున్నది. తన కెరీర్‌లో ఈ తరహా గెటప్‌లో శర్వా ఎప్పుడూ కనిపించలేదన్నది నిజం. అనుపమ పరమేశ్వరన్‌, డింపుల్‌ హయతి కథానాయికలుగా నటిస్తున్న ఈ చిత్రానికి కెమెరా: కిశోర్‌కమార్‌ అరోకియా, సంగీతం: భీమ్స్‌ సిసిరోలియో, సమర్పణ: లక్ష్మీ రాధామోహన్‌, నిర్మాణం: శ్రీసత్యసాయి ఆర్ట్స్‌.