Sharukh Khan | షారుఖ్ ఖాన్ పుట్టినరోజు కానుక.. ‘కింగ్’ నుంచి తొలి పాట విడుదల, రొమాన్స్తో పాటు యాక్షన్ అదుర్స్
Sharukh Khan | బాలీవుడ్ బాద్షా షారుఖ్ ఖాన్ తన 61వ పుట్టినరోజు సందర్భంగా అభిమానులకు ప్రత్యేక కానుక అందించారు. ఆయన నటిస్తున్న అత్యంత ప్రతిష్ఠాత్మక చిత్రం ‘కింగ్’ నుంచి తొలి పాట ‘తూ మిల్ జాయే’ను చిత్రబృందం విడుదల చేసింది. సిద్ధార్థ్ ఆనంద్ దర్శకత్వంలో తెరకెక్కుతున్న ఈ సినిమాలో షారుఖ్ సరసన దీపికా పదుకొణే కథానాయికగా నటిస్తున్నారు.
Sharukh Khan | బాలీవుడ్ బాద్షా షారుఖ్ ఖాన్ తన 61వ పుట్టినరోజు సందర్భంగా అభిమానులకు ప్రత్యేక కానుక అందించారు. ఆయన నటిస్తున్న అత్యంత ప్రతిష్ఠాత్మక చిత్రం ‘కింగ్’ నుంచి తొలి పాట ‘తూ మిల్ జాయే’ను చిత్రబృందం విడుదల చేసింది. సిద్ధార్థ్ ఆనంద్ దర్శకత్వంలో తెరకెక్కుతున్న ఈ సినిమాలో షారుఖ్ సరసన దీపికా పదుకొణే కథానాయికగా నటిస్తున్నారు. రొమాన్స్, యాక్షన్ అంశాలను కలగలిపి రూపొందించిన ఈ పాట విడుదలైన వెంటనే ప్రేక్షకుల దృష్టిని ఆకర్షిస్తోంది. ‘తూ మిల్ జాయే’ పాట ప్రారంభంలోనే షారుఖ్ ఖాన్ తనదైన శైలిలో చెప్పిన డైలాగ్ ఆకట్టుకుంటోంది. “నేను హంతకుడిని కాదు.. ప్రేమికుడిని” అంటూ ఆయన చెప్పే మాటలతో పాట మొదలవుతుంది. ఆ తర్వాత ప్రకృతి అందాల మధ్య షారుఖ్, దీపికా పదుకొణే మధ్య సాగే రొమాంటిక్ సన్నివేశాలు కనువిందు చేస్తాయి.
ఇదే సమయంలో ప్రత్యర్థులతో షారుఖ్ తలపడే యాక్షన్ దృశ్యాలను కూడా పాటలో చూపించారు. చివర్లో ఆయన చెప్పే “ఈసారి గుండెల్లో మంట రగిలింది.. ఇప్పుడు ప్రపంచాన్ని తగలబెట్టకుండా ఆగదు” అనే డైలాగ్ సినిమాపై ఆసక్తిని పెంచుతోంది. మొత్తంగా ఈ పాటలో ప్రేమ, భావోద్వేగాలు, యాక్షన్కు సమాన ప్రాధాన్యం ఇచ్చినట్లు కనిపిస్తోంది. ఈ పాటకు సచిన్–జిగర్ సంగీతం అందించారు. అరిజిత్ సింగ్, మధుబంతి బాగ్చి తమ గాత్రంతో పాటకు ప్రత్యేక ఆకర్షణగా నిలిచారు. అంతర్జాతీయ పాప్ గాయకుడు ఎడ్ షీరన్ ఇంగ్లీష్ ర్యాప్తో పాటలో కనిపించడం మరో విశేషం. కుమార్ సాహిత్యం అందించగా, పీయూష్–షాజియా కొరియోగ్రఫీ చేశారు.
షారుఖ్, దీపికా మధ్య కెమిస్ట్రీతో పాటు పాటలోని సంగీతం, యాక్షన్ దృశ్యాలు అభిమానులను ఆకట్టుకుంటున్నాయి. తొలి పాటతోనే ‘కింగ్’ సినిమాపై అంచనాలు మరింత పెరిగాయి. ‘ఓం శాంతి ఓం’, ‘చెన్నై ఎక్స్ప్రెస్’, ‘హ్యాపీ న్యూ ఇయర్’, ‘పఠాన్’, ‘జవాన్’ చిత్రాల తర్వాత షారుఖ్ ఖాన్, దీపికా పదుకొణే కలిసి నటిస్తున్న మరో సినిమా ‘కింగ్’. ఈ యాక్షన్ ఎంటర్టైనర్లో షారుఖ్ కుమార్తె సుహానా ఖాన్, అభిషేక్ బచ్చన్తో పాటు పలువురు ప్రముఖ నటీనటులు కీలక పాత్రల్లో కనిపించనున్నారు. రెడ్ చిల్లీస్ ఎంటర్టైన్మెంట్, మార్ఫ్లిక్స్ పిక్చర్స్ సంయుక్తంగా ఈ చిత్రాన్ని నిర్మిస్తున్నాయి. సిద్ధార్థ్ ఆనంద్ దర్శకత్వం వహిస్తున్న ‘కింగ్’ ప్రపంచవ్యాప్తంగా 2026 డిసెంబర్ 24న థియేటర్లలో విడుదల కానుంది. షారుఖ్ పుట్టినరోజు సందర్భంగా తొలి పాటను విడుదల చేయడంతో అభిమానుల్లో ఉత్సాహం నెలకొంది. రొమాన్స్, యాక్షన్తో కూడిన ఈ చిత్రం వెండితెరపై ఎలాంటి ప్రభంజనం సృష్టిస్తుందో చూడాలి.
Read Today's Latest Cinema News in Telugu and Telugu News
RELATED ARTICLES
తాజా వార్తలు
OTTReleases | ఈ వీకెండ్ ఓటీటీలోకి వచ్చిన కొత్త సినిమాలు, వెబ్ సిరీస్లివే!
ACB Raid | చేయూత పింఛన్ కోసం లంచం డిమాండ్.. రూ.10 వేలు తీసుకుంటూ ఏసీబీకి చిక్కిన కార్యదర్శి
మరణంలోనూ వీడని మూడుముళ్ల బంధం
Raju Weds Rambai | ‘రాజు వెడ్స్ రాంబాయి’ సినిమాకు ఏడాది.. దర్శక నిర్మాత వేణు ఊడుగుల ఎమోషనల్!
Agri Gold Case | అగ్రిగోల్డ్ బాధితులకు బాండ్ల వెరిఫికేషన్.. షెడ్యూల్ విడుదల చేసిన తెలంగాణ సీఐడీ శాఖ
ట్రెండింగ్ వార్తలు
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video

