Visit:
Rajasekhar | ఎనభై, తొంభైయవ దశకాల్లో టాలీవుడ్‌ను ఓ ఊపు ఉపేసిన నటుడు రాజశేఖర్. అంకుశం, అల్లరి ప్రియుడు, మా అన్నయ్య, సింహరాశి ఇలా బంపర్‌ హిట్లతో ఒకానొక దశలో టాప్ హీరోల్లో ఒకడిగా నిలిచాడు. మరీ ముఖ్యంగా అప్పట్లో ఫ్యామిలీ ఆడియెన్స్‌లో రాజశేఖర్‌కు తిరుగులేని క్రేజ్‌ ఉండేది. క్రమంగా కొత్త హీరోలు పుట్టుకురావడం.. ఉన్న హీరోల స్థాయిలో సినిమాలు చేయకపోవడంతో వెనక్కి పడిపోయాడు. చాలా ఏళ్ల తర్వాత గరుడ వేగ సినిమాతో మళ్లీ కంబ్యాక్‌ ఇచ్చాడు. ఫైనాన్షియల్‌గానూ ఈ సినిమా రాజశేఖర్‌ను నిలబెట్టింది. ఆ తర్వాత వచ్చిన కల్కి కూడా పర్వాలేదనిపించుకుంది.
ఆ తర్వాత దెయ్యం, శేఖర్ వంటి సినిమాలు చేసిన అవి ఎప్పుడు వచ్చి వెళ్లాయో కూడా జనాలకు తెలియకుండా థియేటర్‌ల నుంచి వెళ్లిపోయాయి. ఇక ప్రస్తుతం రాజశేఖర్ చేతిలో ఒక్క సినిమా కూడా లేదు. కాగా తాజాగా ఈ నటుడు నితిన్‌ హీరోగా చేస్తున్న ఎక్స్‌ట్రార్డినరీ సినిమాలో ఓ కీలక పాత్ర పోషిస్తున్నాడట. ఇప్పటికే ఆయనకు సంబంధించిన షూటింగ్‌ కూడా పూర్తయిందని తెలుస్తుంది. ఈ సినిమాలో రాజశేఖర్ రోల్ చాలా పవర్‌ ఫుల్‌గా ఉండనుందట. అంతేకాకుండా గతంలో రాజశేఖర్ చెప్పినట్లు ధృవలో అరవింద్‌ స్వామి లాంటి రోల్స్‌ వస్తే తప్ప క్యారెక్టర్‌ ఆర్టిస్టుగా చేయను అంటూ ఇచ్చిన స్టేట్‌మెంట్‌కు ఈ సినిమాలో రోల్ అలాంటిదే అని టాక్‌.
మరీ ఈ సినిమాతో రాజశేఖర్ క్యారెక్టర్‌ ఆర్టిస్టుగా ఏ రేంజ్‌లో సక్సెస్ సాధిస్తాడో చూడాలి. వక్కంత వంశీ దర్శకత్వం వహిస్తున్న ఈ సినిమా డిసెంబర్‌ 7న రిలీజ్‌ కాబోతుంది. ఇప్పటికే రిలీజైన పోస్టర్‌లు, పాటలు సినిమాపై మంచి ఆసక్తిని నెలకొల్పాయి. ఇక ఈ సినిమా టీజర్‌ అక్టోబర్‌ 17న రిలీజ్‌ కాబోతున్నట్లు సమాచారం. శ్రీలీల హీరోయిన్‌గా నటిస్తున్న ఈ సినిమాను శ్రేష్ట్ మూవీస్ బ్యానర్‌పై నితిన్‌ తండ్రి సుధాకర్‌ రెడ్డి నిర్మిస్తున్నాడు.
