గోరింటాకెట్టుకున్న సందమామవే..

అగ్ర హీరో వెంకటేష్‌ ‘సంక్రాంతికి వస్తు న్నాం’ సినిమా జనవరి 14న ప్రేక్షకుల ముందుకు రాబోతున్నది. అనిల్‌ రావిపూడి దర్శకత్వం వహించిన ఈ చిత్రాన్ని దిల్‌రాజు సమర్పణలో శిరీష్‌ నిర్మిస్తున్నారు. మీనాక్షి చౌదరి, ఐశ్వర్య రాజేష్‌ కథానాయికలు. మ్యూజికల్‌ ప్రమోషన్స్‌లో భాగంగా ‘గోదారి గట్టు మీద రామ సిలకవే..’ అనే పాటను మంగళవారం విడుదల చేశారు.

అగ్ర హీరో వెంకటేష్‌ ‘సంక్రాంతికి వస్తు న్నాం’ సినిమా జనవరి 14న ప్రేక్షకుల ముందుకు రాబోతున్నది. అనిల్‌ రావిపూడి దర్శకత్వం వహించిన ఈ చిత్రాన్ని దిల్‌రాజు సమర్పణలో శిరీష్‌ నిర్మిస్తున్నారు. మీనాక్షి చౌదరి, ఐశ్వర్య రాజేష్‌ కథానాయికలు. మ్యూజికల్‌ ప్రమోషన్స్‌లో భాగంగా ‘గోదారి గట్టు మీద రామ సిలకవే..’ అనే పాటను మంగళవారం విడుదల చేశారు. భీమ్స్‌ సిసిరోలియో స్వరపరచిన ఈ పాటను భాస్కరభట్ల రచించగా రమణ గోగుల, మధుప్రియ ఆలపించారు.గోదారి గట్టు మీద రామ సిలకవే..గోరింటాకెట్టుకున్న సందమామవే.. ఊరంతా చూడు ముసుగే తన్ని నిద్దర పోయిందే.ఆరాటాలన్నీ తీరకపోతే ఏం బాగుంటుందే..’ అంటూ కాస్త జానపద శైలిలో సాగిన ఈ పాటలో భార్యాభర్తల మధ్య బంధాన్ని, వారి మధ్య చిలిపి సరదాలను ఆవిష్కరించారు. షూటింగ్‌ పూర్తికావొస్తున్నదని, క్రైమ్‌ కామెడీ ఎంటర్‌టైనర్‌గా అలరిస్తుందని చిత్రబృందం పేర్కొంది. ఉపేంద్ర లిమాయే, రాజేంద్రప్రసాద్‌, సాయికుమార్‌, నరేష్‌ తదితరులు నటిస్తున్న ఈ చిత్రానికి కెమెరా: సమీర్‌ రెడ్డి, సంగీతం: భీమ్స్‌ సిసిరోలియో, రచన-దర్శకత్వం: అనిల్‌ రావిపూడి.