Sandeep Reddy Vanga | రాప్తాడు ఘటనపై దర్శకుడు సందీప్ రెడ్డి వంగా సంచలన ట్వీట్.. విషాదాన్ని అవకాశంగా మార్చుకోవద్దు!

RaptaduIncident | అనంతపురం జిల్లా రాప్తాడులో జరిగిన దారుణ ఘటన రాష్ట్రవ్యాప్తంగా తీవ్ర సంచలనం సృష్టించిన సంగతి తెలిసిందే.

Sandeep Reddy Vanga | అనంతపురం జిల్లా రాప్తాడులో జరిగిన దారుణ ఘటన రాష్ట్రవ్యాప్తంగా తీవ్ర సంచలనం సృష్టించిన సంగతి తెలిసిందే. ఈ అమానుష ఘటన నేపథ్యంలో కొందరు సోషల్ మీడియాలోనూ, బహిరంగంగానూ ప్రముఖ దర్శకుడు సందీప్ రెడ్డి వంగా సినిమాలపై విమర్శలు గుప్పించారు. సినిమాల్లో చూపించే హింసాత్మక దృశ్యాల వల్లే సమాజంలో ఇలాంటి నేరాలు జరుగుతున్నాయంటూ కొందరు ట్రోల్స్ చేశారు. తాజాగా ఈ వివాదంపై స్పందించిన సందీప్ రెడ్డి వంగా విమర్శకులపై తీవ్రస్థాయిలో మండిపడ్డారు.

సమాజంలో ఎప్పుడైనా ఇలాంటి భయానక నేరాలు జరిగినప్పుడు, మన మొదటి స్పందన బాధితుల పట్ల సానుభూతి చూపించడం, అసలు సమస్య ఏమిటో లోతుగా విశ్లేషించడం కావాలి. అంతేతప్ప, ప్రతిసారీ సినిమాలను సులభమైన బలిపశువులా (Scapegoat) మార్చడం సరికాదు” అని పేర్కొన్నారు. అలాగే, కొందరు ఈ విషాదకర ఘటనను కూడా తమ వ్యక్తిగత కక్షలు తీర్చుకోవడానికి వాడుకుంటున్నారని ఆయన ఆగ్రహం వ్యక్తం చేశారు. “మీ ఆందోళన అంతా బాధితుల కుటుంబాల గురించి కాదు.. ఒక ఘోరమైన విషాదాన్ని అడ్డుపెట్టుకొని వ్యక్తిగత కక్షలు తీర్చుకోవడానికి దీనిని ఒక మురికి అవకాశంగా మల్చుకుంటున్నారు” అని విమర్శించారు.

ముఖ్యంగా చిత్ర పరిశ్రమలోని కొందరి తీరుపై ఆయన నిప్పులు చెరిగారు. “కొందరు విఫలమైన నటులు, దర్శకులు, నిర్మాతలు.. ఎప్పుడెప్పుడు ఎవరిపై విమర్శలు చేద్దామా అని ఎదురుచూస్తుంటారు. ఇలాంటి దుర్ఘటనలు జరిగినప్పుడు తామే ఏదో గొప్ప సామాజిక వేత్తలా బిల్డప్ ఇస్తూ ఇతరుల పనులపై పడతారు. ఇది సరికాదు అని మండిపడ్డారు. చివరగా.. ఒక విషాదం అనేది కేవలం సానుభూతిని మాత్రమే కోరుకుంటుంది కానీ, ఇలాంటి అవకాశవాదాన్ని కాదు. దయచేసి రెండింటి మధ్య ఉన్న తేడాను తెలుసుకోండి అంటూ తన పోస్టును ముగించారు.

When someone commits a heinous crime, the first response should be empathy & an attempt to understand the larger problem. Not finding a convenient scapegoat in cinema.
It is becoming increasingly clear that your concern is not for the victims or their families, but that you’re using a horrific tragedy as a dirty excuse to settle your personal scores.
This is especially directed at those failed frustrated jobless male/female actors, few directors, producers & parasites, who suddenly appoint themselves as social reformers whenever an opportunity arises to take a dig at someone else’s work.

A tragedy deserves empathy 🙏, not opportunism. Learn the difference.

— Sandeep Reddy Vanga (@imvangasandeep) November 4, 2026