Visit:
Samantha Dance | ఏడాది పాటు సినిమాలకు సెలవు పెట్టి హాలీడే వెకేషన్‌ను ఎంజాయ్‌ చేస్తుంది సమంత. ఓ వైపు తన వ్యాధికి సంబంధించిన చికిత్స తీసుకుంటూనే మరోవైపు స్నేహితులతో కలిసి సందడి చేస్తుంది. ఇక ఇటీవలే సామ్‌ తన ఫ్రెండ్స్‌తో కలిసి ఇండోనేషియాలోని బాలికి వెళ్లింది. ఈ సందర్భంగా ఇన్‌స్టాలో తరచుగా ఆ ట్రిప్‌కు సంబంధించిన ఫోటోలు, వీడియోలను పెడుతూ అభిమానులను అలరిస్తుంది. రీసెంట్‌గా 4డిగ్రీల చలిలో ఆరు నిమిషాలు ఐస్‌ బాత్ చేసినట్లు ఇన్‌స్టా స్టోరీలో పోస్ట్‌ పెట్టింది. కాగా తాజాగా తన ఫ్రెండ్‌తో కలిసి డ్యాన్స్‌ చేస్తున్న వీడియోను అభిమానులతో పంచుకుంది.
గ్రుపో రఫగా బ్యాండ్‌ స్వర పరిచిన మెంటిరోసా మ్యూజిక్‌కు తన స్నేహితురాలితో కలిసి గూఫి డ్యాన్స్‌ వేసింది. ప్రస్తుతం ఈ వీడియో నెట్టింట హల్ చల్‌ చేస్తుంది. ఇక సామ్‌ గతకొంత కాలంగా మయోసైటిస్‌తో బాధపడుతుంది. ఆ మధ్య కొన్ని రోజులు షూటింగ్‌లకు బ్రేక్ ఇచ్చి మళ్లీ కెమెరా ముందుకు వచ్చింది. తన చేతిలో ఉన్న ప్రాజెక్ట్‌లను పూర్తి చేసింది. ఇక ఇప్పుడు చికిత్స నిమిత్తం ఏడాది పాటు సినిమాలకు బ్రేక్ తీసుకోనుంది. ఇక ప్రస్తుతం సామ్‌ నటించిన ఖుషీ రిలీజ్‌కు సిద్ధంగా ఉంది. విజయ్‌ హీరోగా నటించిన ఈ సినిమాకు శివ నిర్వాణ దర్శకుడు. ఇప్పటికే రిలీజైన పాటలు ఇన్‌స్టాంట్‌గా ఎక్కేశాయి. ఇక టీజర్‌ను వచ్చే వారం విడుదల చేస్తున్నట్లు సమాచారం. దీనితో పాటుగా వరుణ్‌ ధావన్‌తో కలిసి చేసిన సిటాడెల్ వెబ్‌ సిరీస్‌ సెప్టెంబర్‌లో స్ట్రీమింగ్‌ కానుంది.
View this post on Instagram
