Neeru Dhanda: షూటింగ్‌లో స్వ‌ర్ణం.. ట్రాప్ ఈవెంట్‌లో నీరూ ధండాకు ప‌త‌కం

Neeru Dhanda: షూట‌ర్ నీరూ ధండా చ‌రిత్ర సృష్టించింది. ఏషియ‌న్ గేమ్స్‌లో మ‌హిళ‌ల ట్రాప్ వ్య‌క్తిగత ఈవెంట్‌లో స్వ‌ర్ణ ప‌త‌కం సాధించిన తొలి భార‌త షూట‌ర్‌గా రికార్డు నెల‌కొల్పింది. 28 పాయింట్ల‌తో నీరూ అగ్ర‌స్థానంలో నిలిచింది.

న‌గోయా: ఏషియ‌న్ గేమ్స్‌లో భార‌త షూట‌ర్లు ప్ర‌తిభ చాటుతున్నారు. మేటి షూట‌ర్ నీరూ ధండా(Neeru Dhanda)కు ఇవాళ స్వ‌ర్ణ ప‌త‌కం ద‌క్కింది. మ‌హిళ‌ల ట్రాప్ వ్య‌క్తిగత ఈవెంట్‌లో ఆమె గోల్డ్ మెడ‌ల్ గెలుచుకున్న‌ది. 28 పాయింట్ల‌తో నీరూ అగ్ర‌స్థానంలో నిలిచింది. చైనా క్రీడాకారిణి యునాంగ్ స‌న్ 26 పాయింట్ల తేడాతో రెండో స్థానంలో నిలిచి సిల్వ‌ర్ ప‌త‌కాన్ని కైవ‌సం చేసుకున్న‌ది. జ‌పాన్‌లో జ‌రుగుతున్న ఏషియ‌న్ గేమ్స్‌లో భార‌త్‌కు ఇది అయిదో స్వ‌ర్ణ ప‌త‌కం కావడం విశేషం. ట్రాప్ ఈవెంట్ ఫైన‌ల్‌లో భార‌త షూట‌ర్ నీరూ పూర్తి ఆధిప‌త్యాన్ని ప్ర‌ద‌ర్శించింది. 20 షాట్స్ ట్రాప్ ఫైన‌ల్‌లో నీరూ 28 హిట్స్ కొట్టి అగ్ర‌స్థానాన్ని కైవ‌సం చేసుకున్న‌ది.

Neeru Dhanda wins a historic gold! 🇮🇳🥇
With an incredible 28 hits, Neeru Dhanda has won gold in the Women’s Trap Individual at #AsianGames2026, bringing India its first-ever medal in the event and setting a new Asian Games record!

Neeru has been breaking new ground for Indian… pic.twitter.com/qfx9u6XAqq

— Hardeep Singh Puri (@HardeepSPuri) September 29, 2026

నీరూ ధండా వ‌య‌సు 26 ఏళ్లు. హ‌ర్యానాకు చెందిన ఆ అమ్మాయి.. ఏషియ‌న్ గేమ్స్ ట్రాప్ వ్య‌క్తిగ‌త ఈవెంట్‌లో స్వ‌ర్ణ ప‌త‌కం గెల‌వ‌డం ఇదే మొద‌టిసారి. ఇటీవ‌ల జూలైలో ఇట‌లీలో జ‌రిగిన షాట్‌గ‌న్ వ‌ర‌ల్డ్‌క‌ప్‌లో గోల్డ్ మెడ‌ల్ సాధించిన విష‌యం తెలిసిందే. ఏషియ‌న్ గేమ్స్‌లో ఆమె 28 పాయింట్ల‌తో బంగారు ప‌త‌కాన్ని గెలుచుకున్న‌ది.ఈ నేప‌థ్యంలో ఏషియ‌న్ గేమ్స్‌లో 24 పాయింట్ల రికార్డును ఆమె అధిగ‌మించింది.