స‌ల్మాన్ బ‌ర్త్ డేకు క‌త్రినా, జాక్వెలిన్ స్పెష‌ల్ గిఫ్ట్స్‌.. కోట్ల‌లో బ‌హుమ‌తులు

December 30, 2021 / 08:32 PM IST

Salman Khan birthday gifts | బాలీవుడ్ కండ‌ల‌వీరుడు స‌ల్మాన్‌ఖాన్ ఇటీవ‌ల త‌న 56వ బ‌ర్త్ డేను ఘ‌నంగా జ‌రుపుకున్నాడు. పాన్వెల్‌లోని ఆయ‌న ఫామ్‌హౌస్‌లో జ‌రిగిన ఈ వేడుక‌ల్లో ఆయ‌న కుటుంబ‌స‌భ్యులు, స‌న్నిహితులు పాల్గొన్నారు. ఈ సంద‌ర్భంగా ఖ‌రీదైన బ‌హుమ‌తులు అంద‌జేశారు. అయితే ఎవ‌రెవ‌రు ఏ కానుక‌లు ఇచ్చార‌నే స‌మాచారం తాజాగా బ‌య‌ట‌కు వ‌చ్చింది. దీనిప్ర‌కారం స‌ల్మాన్‌ఖాన్‌ బ‌ర్త్ డేకు వ‌చ్చిన విలువ కోట్ల‌ల్లోనే ఉంది.

బాలీవుడ్‌ హీరోయిన్ కత్రినాకైఫ్ మూడు ల‌క్ష‌ల విలువైన బంగారపు బ్రాస్‌లెట్‌ను పంపించగా, జాక్వెలిన్ ఓ స్పెషల్ వాచ్ (రూ. 12 లక్షలు) గిఫ్ట్ ఇచ్చింది. ఇక సంజ‌య్ ద‌త్ ఎనిమిది ల‌క్ష‌ల విలువైన బంగారు కంక‌ణం, అనిల్ క‌పూర్ 30 ల‌క్ష‌ల విలువైన జాకెట్‌, శిల్పాశెట్టి 17 ల‌క్ష‌లు విలువైన డైమండ్ అండ్ గోల్డ్ బ్రాస్‌లెట్‌, స‌ల్మాన్ ఖాన్ సోద‌రి అర్పితా ఖాన్‌.. 17 ల‌క్ష‌ల విలువైన రోలెక్స్ వాచ్ బ‌హుమ‌తిగా ఇచ్చారు. స‌ల్మాన్ సోద‌రులు సోహైల్‌, అర్బ‌జ్‌ఖాన్‌లు బీఎండ‌బ్ల్యూ కారు, ఆడి కారు గిఫ్ట్ ఇచ్చార‌ని తెలిసింది. అంతేకాదు సల్మాన్ తండ్రి 12 కోట్లు విలువైన అపార్ట్‌మెంట్‌ను పుట్టినరోజు కానుకగా అందజేశారట.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి