టాలీవుడ్(Tollywood)లో లీడింగ్ కొనసాగుతున్న స్టార్ హీరోల జాబితాలో టాప్ ప్లేస్లో ఉంటారు రాంచరణ్ (Ram Charan), జూ.ఎన్టీఆర్ (Jr NTR). ఈ ఇద్దరు యంగ్ హీరోలు ఎస్ఎస్ రాజమౌళి (Rajamouli) దర్శకత్వంలో తెరకెక్కుతున్న పాన్ ఇండియా ప్రాజెక్టు ఆర్ఆర్ఆర్తో త్వరలో ప్రేక్షకులను పలుకరించేందుకు రెడీ అవుతున్నారు. ఎన్టీఆర్ కొమ్రం భీమ్ పాత్రలో కనిపించనుండగా..అల్లూరి సీతారామ రాజు పాత్రలో రాంచరణ్ కనిపించబోతున్నాడు.
ఈ చిత్రం నుంచి ‘నాటు నాటు ఊర నాటు’ సాంగ్ సోషల్మీడియాను షేక్ చేస్తున్న సంగతి తెలిసిందే. చరణ్, తారక్ కాంబోలో తొలిసారి వచ్చిన ఈ పాటకు సినీ లవర్స్ ఫిదా అవుతున్నారు. అయితే రాంచరణ్ మాత్రం ఈ పాటకు కాకుండా ఓ వ్యక్తి డ్యాన్స్ ఫిదా అవుతున్నట్టు చెప్పాడు.
ఇంతకీ అతడెవరో అర్థమయే ఉంటుంది. తన కోస్టార్ ఎన్టీఆర్. ఓ ఇంటర్య్వూలో ఎన్టీఆర్ డ్యాన్స్ గురించి చెప్పాడు చరణ్. జూ.ఎన్టీఆర్ డ్యాన్స్ చూస్తూ చాలా ఎంజాయ్ చేస్తా. అద్బుతమైన డ్యాన్సర్. ఎన్టీఆర్తో పాట చేయాల్సి ఉంటుందని రాజమౌళి నాతో చెప్పినప్పుడు చాలా ఎక్జయిట్ అయ్యా. ఎన్టీఆర్తో డ్యాన్స్ చేసే ఛాన్స్ రావడం గొప్ప అనుభూతినిచ్చిందంటూ తారక్ను ఆకాశానికెత్తేశాడు చరణ్.