Renu Desai | పవన్ కళ్యాణ్ ‘బాలు’ ప్యాంట్ వెనుక ఇంత కథ ఉందా.. రేణు దేశాయ్ ఆసక్తికర వ్యాఖ్యలు!

Renu Desai | టాలీవుడ్‌లో పవర్ స్టార్ పవన్ కళ్యాణ్‌కు ఉన్న ప్రత్యేకమైన క్రేజ్ గురించి చెప్పాల్సిన పనిలేదు. ఆయన నటన, సినిమాలతో పాటు స్టైలింగ్‌కు కూడా అప్పట్లో ఎంతో మంది అభిమానులు ఉండేవారు. పవన్ ధరించే దుస్తులు, హెయిర్‌స్టైల్, యాక్సెసరీస్‌ను యువత అనుకరించేది. ముఖ్యంగా ఆయన సినిమాల్లో కనిపించిన విభిన్నమైన దుస్తులు అప్పట్లో ఫ్యాషన్ ట్రెండ్‌లుగా మారాయి.

Renu Desai | టాలీవుడ్‌లో పవర్ స్టార్ పవన్ కళ్యాణ్‌కు ఉన్న ప్రత్యేకమైన క్రేజ్ గురించి చెప్పాల్సిన పనిలేదు. ఆయన నటన, సినిమాలతో పాటు స్టైలింగ్‌కు కూడా అప్పట్లో ఎంతో మంది అభిమానులు ఉండేవారు. పవన్ ధరించే దుస్తులు, హెయిర్‌స్టైల్, యాక్సెసరీస్‌ను యువత అనుకరించేది. ముఖ్యంగా ఆయన సినిమాల్లో కనిపించిన విభిన్నమైన దుస్తులు అప్పట్లో ఫ్యాషన్ ట్రెండ్‌లుగా మారాయి. అలాంటి వాటిలో ‘బాలు’ సినిమాలో పవన్ ధరించిన ప్రత్యేకమైన ప్యాంట్‌కు అప్పట్లో విపరీతమైన క్రేజ్ వచ్చింది. తాజాగా పవన్ మాజీ భార్య రేణు దేశాయ్ ఆ ప్యాంట్ వెనుక ఉన్న ఆసక్తికర విషయాలను వెల్లడించడంతో మరోసారి ఈ అంశం చర్చనీయాంశంగా మారింది.

పవన్ కళ్యాణ్ సినిమాల్లో కనిపించిన స్టైలింగ్ అప్పటి యువతను బాగా ఆకట్టుకునేది. హూడీలు, కార్గో ప్యాంట్లు, కొత్త తరహా దుస్తులను ఆయన పరిచయం చేసిన తీరు అభిమానులను ఆకర్షించేది. కొన్ని సందర్భాల్లో ఒకే దుస్తులపై మరో దుస్తులు ధరించే ప్రయోగాలు కూడా చేశారు. ఆయన స్టైల్‌ను అనుసరిస్తూ యువత కూడా అలాంటి ఫ్యాషన్‌ను ప్రయత్నించేది. అయితే ‘బాలు’ సినిమాలో పవన్ ధరించిన ప్యాంట్ మాత్రం అప్పట్లో ప్రత్యేకమైన చర్చకు దారితీసింది. ఆ ప్యాంట్ ధర ఏకంగా రూ.70 వేల వరకు ఉంటుందనే ప్రచారం అప్పట్లో జరిగింది. సినిమా విడుదల సమయంలో పవన్ స్టైలింగ్ గురించి మాట్లాడుకున్నప్పుడల్లా ఈ ప్యాంట్ ప్రస్తావన కూడా వచ్చేది.

తాజాగా రేణు దేశాయ్ చేసిన వ్యాఖ్యల ప్రకారం.. ‘బాలు’ సినిమా కోసం పవన్ స్టైలింగ్ విషయంలో ప్రత్యేక శ్రద్ధ తీసుకున్నారు. ఆ సినిమాలో ఉపయోగించిన ప్యాంట్ సాధారణమైనది కాదని ఆమె వివరించారు. అలాంటి తరహా ప్యాంట్లు ప్రపంచంలో కేవలం ఐదు మాత్రమే ఉన్నాయని, రెండో ప్రపంచ యుద్ధం సమయంలో ఉపయోగించిన వస్త్రంతో వాటిని తయారు చేశారని వెల్లడించారు. దీంతో ‘బాలు’ సినిమాలో పవన్ ధరించిన ప్యాంట్ వెనుక ఇంత ప్రత్యేకత ఉందా అంటూ అభిమానులు ఆశ్చర్యం వ్యక్తం చేస్తున్నారు. అప్పట్లో ఆ ప్యాంట్ గురించి ప్రచారంలో ఉన్న ధర, దాని అరుదైన రూపకల్పన ఇప్పుడు మరోసారి చర్చకు వచ్చాయి.

పవన్ కళ్యాణ్ దుస్తుల ఎంపిక విషయంలో తాను కూడా ప్రత్యేక శ్రద్ధ తీసుకునేదాన్నని రేణు దేశాయ్ తెలిపారు. లండన్‌లోని ఓ ప్రముఖ షాపింగ్ మాల్‌లో పవన్ కోసం దుస్తులు కొనుగోలు చేసేవారట. అదే షాపింగ్ మాల్‌కు బాలీవుడ్ స్టార్ షారుఖ్ ఖాన్ కోసం దర్శకుడు కరణ్ జోహార్ కూడా షాపింగ్ చేయడానికి వచ్చేవారని ఆమె గుర్తుచేసుకున్నారు. ఆ సమయంలో పవన్, షారుఖ్ స్టైలింగ్‌లోనూ కొన్ని పోలికలు కనిపించేవని, వీరిద్దరి లుక్స్‌కు సంబంధించిన ఫొటోలు కూడా అప్పట్లో అభిమానుల దృష్టిని ఆకర్షించేవని తెలిపారు. రేణు దేశాయ్ తాజాగా పంచుకున్న ఈ విషయాలు పవన్ అభిమానుల్లో ఆసక్తిని పెంచుతున్నాయి. ముఖ్యంగా ‘బాలు’ సినిమా ప్యాంట్ తయారీ వెనుక ఉన్న ప్రత్యేకత, దాని ధర, లండన్ షాపింగ్ విశేషాలు సోషల్ మీడియాలో చర్చకు దారితీశాయి.