టాలీవుడ్ మాస్ మహారాజా రవితేజ (Ravi Teja) నటిస్తోన్న చిత్రాల్లో ఒకటి రావణాసుర (Ravanasura). క్రైం థ్రిల్లర్ జోనర్లో వస్తున్న ఈ చిత్రానికి టాలెంటెడ్ డైరెక్టర్ సుధీర్ వర్మ (Sudheer Varma) దర్శకత్వం వహిస్తున్నాడు. ఈ చిత్రాన్ని 2023 ఏప్రిల్ 7న థియేటర్లలో గ్రాండ్గా విడుదల చేస్తున్నారు. విడుదల తేదీ దగ్గరపడుతున్న కొద్దీ ప్రమోషన్స్ వేగం పెంచింది. ప్రమోషన్స్ లో భాగంగా విడుదల చేసిన రావణాసుర ట్రైలర్ సినిమాపై క్యూరియాసిటీ పెంచుతోంది.
తాజాగా ఈ మూవీకి సంబంధించిన ఇంట్రెస్టింగ్ అప్డేట్ వచ్చింది. రావణాసుర డిజిటల్ స్ట్రీమింగ్ రైట్స్ను పాపులర్ ఓటీటీ ప్లాట్ఫాం అమెజాన్ ప్రైమ్ వీడియో దక్కించుకుంది. రావణాసురలో అనూ ఎమ్మాన్యుయేల్, పూజిత పొన్నాడ, దక్షా నగార్కర్, ఫరియా అబ్దుల్లా, మేఘా ఆకాశ్ ఫీ మేల్ లీడ్ రోల్స్లో నటిస్తున్నారు. సుశాంత్ విలన్గా నటిస్తున్నాడు. రావణాసుర చిత్రాన్ని అభిషేక్ పిక్చర్స్, రవితేజ టీమ్ వర్క్స్ బ్యానర్లు సంయుక్తంగా నిర్మిస్తున్నాయి. ఈ ప్రాజెక్ట్లో రావు రమేశ్, మురళీ శర్మ, సంపత్ రాజ్, నితిన్ మెహతా కీ రోల్స్ లో నటిస్తున్నారు.
రావణాసుర చిత్రానికి హర్షవర్దన్ రామేశ్వర్- భీమ్స్ సిసిరోలియో సంగీతం అందిస్తున్నారు. ఇప్పటికే విడుదల చేసిన రావణాసుర ఆంథెమ్సాంగ్, డిక్కా డిష్యుమ్ సాంగ్, గ్లింప్స్ వీడియో, టీజర్ నెట్టింట్లో హల్ చల్ చేస్తున్నాయి. రవితేజ మరోవైపు పాన్ ఇండియా ప్రాజెక్ట్ టైగర్ నాగేశ్వర్రావులో కూడా నటిస్తున్నాడు. బాలీవుడ్ భామ కృతిసనన్ సోదరి నుపుర్ సనన్ ఈ సినిమాతో తెలుగు ప్రేక్షకులకు పరిచయం అవుతోంది.
రావణాసుర ఆంథెమ్ లిరికల్ వీడియో సాంగ్..
రావణాసుర గ్లింప్స్ వీడియో..
డిక్కా డిష్యుమ్ సాంగ్..
రావణాసుర ట్రైలర్..