Rashmika Mandanna | ‘అవకాశాన్ని మించిన అదృష్టం వేరొకటి వుండదు’ అంటున్నది కన్నడ కస్తూరి రష్మిక మందన్నా. తాజాగా ఓ ఇంటర్వ్యూలో తన స్టార్డమ్ గురించి మాట్లాడుతూ ఆసక్తికర వ్యాఖ్యలు చేసింది రష్మిక. ‘నా కంటే అందమైన అమ్మాయిలు.. తెలివైన అమ్మాయిలు.. బాగా నటించగలిగిన అమ్మాయిలు చాలామంది అవకాశాల కోసం ఎదురుచూస్తున్నారు.
వారక్కడ, నేనిక్కడ ఉండటానికి కారణం కేవలం అదృష్టం. ఆ అదృష్టం వల్లే నాకు అవకాశాలు వచ్చాయి. నిరూపించుకోవాలనే ప్రయత్నం నాలో మొదలైంది. ఆ ప్రయత్నమే నన్ను ప్రపంచానికి పరిచయం చేసింది. ఈ విషయంలో నన్ను గుర్తించిన దర్శక, నిర్మాతలకు కృతజ్ఞతలు చెప్పుకోవాలి.’ అని రష్మిక అన్నారు. ఇంకా మాట్లాడుతూ ‘జయాజయాలనేవి ఏ రంగంలోనైనా సహజం. వాటిని తలకెక్కించుకోకూడదు. ఆ ప్రభావం మనసుపై పడుతుంది. ఇక జీవితంలో ముందుకెళ్లలేం. అది పతనానికి హేతువు’ అంటూ చెప్పుకొచ్చింది రష్మిక.