Rashmika | విజయ్ దేవరకొండ ఇంకా నల్లపూసలు కొనివ్వలేదు.. రష్మిక మందన్న ఆసక్తికర వ్యాఖ్యలు!
Rashmika | టాలీవుడ్ క్యూట్ కపుల్ విజయ్ దేవరకొండ, రష్మిక మందన్న మరోసారి వార్తల్లో నిలిచారు. పెళ్లి తర్వాత ఈ జంట ఎక్కడ కనిపించినా అభిమానుల్లో సందడి నెలకొంటోంది. తాజాగా అభిమానులతో సరదాగా ముచ్చటించిన రష్మిక.. తన భర్త విజయ్ దేవరకొండ ఇంకా తనకు నల్లపూసలు కొనివ్వలేదంటూ చేసిన వ్యాఖ్యలు నవ్వులు పూయించాయి.
Rashmika | టాలీవుడ్ క్యూట్ కపుల్ విజయ్ దేవరకొండ, రష్మిక మందన్న మరోసారి వార్తల్లో నిలిచారు. పెళ్లి తర్వాత ఈ జంట ఎక్కడ కనిపించినా అభిమానుల్లో సందడి నెలకొంటోంది. తాజాగా అభిమానులతో సరదాగా ముచ్చటించిన రష్మిక.. తన భర్త విజయ్ దేవరకొండ ఇంకా తనకు నల్లపూసలు కొనివ్వలేదంటూ చేసిన వ్యాఖ్యలు నవ్వులు పూయించాయి. ప్రస్తుతం ఈ వీడియోకు సంబంధించిన చర్చ సోషల్ మీడియాలో ఆసక్తికరంగా మారింది. హిందూ సంప్రదాయంలో వివాహిత మహిళలు ధరించే నల్లపూసలకు ప్రత్యేక స్థానం ఉంది. అవి వైవాహిక బంధానికి గుర్తుగా భావిస్తారు. ఈ నేపథ్యంలోనే ఓ అభిమాని విజయ్ దేవరకొండను నల్లపూసల గురించి ప్రశ్నించారు. ‘రణబాలి’ సినిమాలో రష్మికకు నల్లపూసలు ఇవ్వలేకపోయారు.. మరి నిజ జీవితంలో వదినమ్మకు ఇచ్చారా? అని అడిగారు.
దీనికి విజయ్ స్పందిస్తూ, పెళ్లికి సంబంధించిన చాలా ఆభరణాల సెట్లను తానే ఇచ్చానని చెప్పారు. అయితే అభిమాని మాత్రం నల్లపూసలు ప్రత్యేకమైన భావోద్వేగంతో ముడిపడి ఉంటాయని, వాటికి ప్రత్యేకమైన ప్రాధాన్యత ఉందని మరోసారి గుర్తుచేశారు. దీంతో విజయ్ కొంత తడబడినట్లు కనిపించగా, రష్మిక వెంటనే మైక్ అందుకుని అసలు విషయం చెప్పేశారు. వివాహం జరిగిన వెంటనే తన అత్తగారు, తన తల్లి నల్లపూసలు ఇచ్చారని రష్మిక వెల్లడించారు. తమ కుటుంబాల్లోని మహిళలు చాలా ముందుగానే ఈ సంప్రదాయాన్ని పూర్తి చేశారని సరదాగా చెప్పారు. అయితే విజయ్ దేవరకొండ మాత్రం తనకు ఇంకా నల్లపూసలు కొనివ్వలేదని, వాటి కోసం తాను ఎదురుచూస్తున్నానని నవ్వుతూ కామెంట్ చేశారు. రష్మిక చేసిన ఈ సరదా వ్యాఖ్యలకు అక్కడున్న అభిమానులు నవ్వుకున్నారు.
విజయ్ దేవరకొండ, రష్మిక మందన్నకు ‘గీత గోవిందం’ సినిమా సమయంలో పరిచయం ఏర్పడింది. ఆ పరిచయం ప్రేమగా మారి, దాదాపు ఎనిమిదేళ్ల తర్వాత ఈ ఏడాది ఇద్దరూ వివాహ బంధంలోకి అడుగుపెట్టారు. నిజ జీవితంలో భార్యాభర్తలుగా మారిన ఈ జంట, ‘రణబాలి’ సినిమాలోనూ కలిసి నటించి ప్రేక్షకులను ఆకట్టుకున్నారు. ఇందులో విజయ్ దేవరకొండ బొబ్బిలి రణబాలిగా, రష్మిక జయమ్మగా కనిపించారు.ఇటీవల ఈ జంట అభిమానులతో మమేకమవుతూ పలు సందర్భాల్లో సరదాగా మాట్లాడుతున్నారు. బతుకమ్మ వేడుకల్లో పాల్గొనడంతో పాటు, దసరా సందర్భంగా సినిమా చిత్రీకరణ జరుగుతున్న సింగనమల ప్రాంతానికి వెళ్లి అభిమానులను కలుసుకున్నారు. ఈ సందర్భంగా జరిగిన సంభాషణలోనే నల్లపూసల ప్రస్తావన వచ్చింది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
TTD | సెక్యూరిటీ ,విజిలెన్స్ గార్డు నియామక నిబంధనల్లో ఎలాంటి మార్పులు చేయలేదు : టీటీడీ
YS Jagan | సమగ్రమైన కుల గణనకు వైసీపీ మద్దతు : వైఎస్ జగన్
Health tips | మీ రోజువారీ డైట్లో వెల్లిపాయలుంటే కలిగే 10 ఆరోగ్య ప్రయోజనాల గురించి తెలుసా..?
Inter Exams schedule | రాష్ట్రంలో ఇంటర్ పరీక్షల షెడ్యూల్ విడుదల..!
Diabetes | వయసుతోపాటు బీపీ, షుగర్, కొలెస్ట్రాల్ వస్తాయా? పోషకాహార నిపుణుల కీలక హెచ్చరిక..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

