1942 నేపథ్యంలో..

కన్నడ నటుడు ఉపేంద్ర, శ్రియ జంటగా నటిస్తున్న చిత్రం ‘కబ్జా’. కిచ్చా సుదీప్‌ కీలక పాత్రలో నటిస్తున్నారు. పాన్‌ ఇండియా మూవీగా ప్రేక్షకుల ముందుకురానుంది.

కన్నడ నటుడు ఉపేంద్ర, శ్రియ జంటగా నటిస్తున్న చిత్రం ‘కబ్జా’. కిచ్చా సుదీప్‌ కీలక పాత్రలో నటిస్తున్నారు. పాన్‌ ఇండియా మూవీగా ప్రేక్షకుల ముందుకురానుంది. ఇటీవలే చిత్ర టీజర్‌ను హీరో రానా విడుదల చేశారు. ఇప్పటివరకు 25 మిలియన్‌ వ్యూస్‌తో టీజర్‌ సోషల్‌మీడియాలో సంచలనం సృష్టిస్తున్నది. ‘1942 బ్యాక్‌డ్రాప్‌లో నడిచే కథ ఇది. ఉపేంద్ర శక్తివంతమైన గ్యాంగ్‌స్టర్‌ పాత్రలో కనిపిస్తారు. శ్రియ సరన్‌ పాత్ర అందం, అభినయంతో ఆకట్టుకుంటుంది. ఆమె కెరీర్‌లో మరో విభిన్నమైన చిత్రంగా నిలిచిపోతుంది. కన్నడ అగ్ర హీరోల్లో ఒకరైన శివరాజ్‌కుమార్‌ ప్రత్యేక పాత్రలో కనిపిస్తారు ’ అని చిత్రబృందం పేర్కొంది. పీరియాడిక్‌ డ్రామాగా తెరకెక్కుతున్న ఈ చిత్రానికి ‘కేజీఎఫ్‌’ ఫేమ్‌ రవి బస్రూర్‌ సంగీతాన్నందిస్తున్నారు.