Dorothy | కార్తీక్ సుబ్బరాజ్ ‘డోర‌తి’ సినిమాపై రజినీకాంత్ ప్రశంసల జల్లు.. ‘నాకు కావలసిన కార్తీక్ ఇతనే’ అంటూ అభినందనలు!

Rajinikanth | కోలీవుడ్ స్టార్ డైరెక్టర్ కార్తీక్ సుబ్బరాజ్ తెరకెక్కించిన తాజా సంచలన చిత్రం 'డోర‌తి'పై సూపర్ స్టార్ రజినీకాంత్ ప్రశంసల వర్షం కురిపించారు.

Rajinikanth | కోలీవుడ్ స్టార్ డైరెక్టర్ కార్తీక్ సుబ్బరాజ్ తెరకెక్కించిన తాజా సంచలన చిత్రం ‘డోర‌తి’పై సూపర్ స్టార్ రజినీకాంత్ ప్రశంసల వర్షం కురిపించారు. ఈ సినిమా చూసి ఫిదా అయిన తలైవా.. స్వయంగా దర్శకుడితో పాటు నటులను ఆహ్వానించి సుమారు గంటపాటు చిత్ర విశేషాలపై ముచ్చటించారు. రజినీ నుంచి వచ్చిన ఈ అనూహ్య ప్రశంసలతో కార్తీక్ సుబ్బరాజ్ ఆనందానికి అవధులు లేకుండా పోయాయి. ఈ అరుదైన భేటీకి సంబంధించిన ఫొటోలను ఆయన సోషల్ మీడియా వేదికగా అభిమానులతో పంచుకున్నారు.

కీర్తి సురేష్ ప్రధాన పాత్రలో నటించిన ఈ చిత్రంలో సనత్, రిషికాంత్ కీలక పాత్రలు పోషించారు. సినిమా వీక్షించిన అనంతరం రజినీకాంత్ ప్రతి అంశాన్ని పరిశీలించి అభినందించారని కార్తీక్ తెలిపారు. “తలైవా… ఫాంటాస్టిక్, బ్యూటిఫుల్, మైండ్‌బ్లోయింగ్!” అంటూ రజినీ రియాక్షన్‌ను ఆయన ఉత్సాహంగా పంచుకున్నారు. ముఖ్యంగా, “నాకు కావలసిన కార్తీక్ సుబ్బరాజ్ ఇతనే” అంటూ తలైవా కొనియాడిన మాటలు తన జీవితంలో ఎప్పటికీ మరువలేని మధుర జ్ఞాపకమని కార్తీక్ భావోద్వేగంతో పేర్కొన్నారు.