Raghava Lawrence | నాలుగు నెలలు వాయిదా పడిన లారెన్స్‌ సినిమా.. కారణం ఎంటంటే?

Lawrence Latest Movie Post Poned | ప్రముఖ కొరియోగ్రాఫర్‌ రాఘవ లారెన్స్‌ తెలుగు ప్రేక్షకులకు సుపరిచితమే. కేవలం కొరియాగ్రాఫర్‌గా మాత్రమే కాకుండా దర్శకుడిగా, నటుడిగా పలు విభాగాల్లో పనిచేస్తూ ఇండస్ట్రీలో ప్రత్యేక గుర్తింపు తెచ్చుకున్నాడు.

Lawrence Latest Movie Post Poned | ప్రముఖ కొరియోగ్రాఫర్‌ రాఘవ లారెన్స్‌ తెలుగు ప్రేక్షకులకు సుపరిచితమే. కేవలం కొరియాగ్రాఫర్‌గా మాత్రమే కాకుండా దర్శకుడిగా, నటుడిగా పలు విభాగాల్లో పనిచేస్తూ ఇండస్ట్రీలో ప్రత్యేక గుర్తింపు తెచ్చుకున్నాడు. లారెన్స్  నటుడుగా ఇప్పుడు ఫుల్‌ బిజీగా ఉన్నాడు. ప్రస్తుతం ఈయన నాలుగు సినిమాలను సెట్స్ పైన ఉంచాడు. అందులో ‘రుద్రన్‌’ మూవీ ఒకటి. తెలుగులో ‘రుద్రుడు’ పేరుతో విడుదల కానుంది. కదిరేశన్‌ దర్శకత్వం వహిస్తున్న ఈ చిత్రం సౌత్‌లోని అన్ని భాషల్లో విడుదల కానుంది. ఇప్పటికే రిలీజైన పోస్టర్స్‌ సినిమాపై విపరీతమైన అంచనాలు క్రియేట్‌ చేశాయి. కాగా ఈ చిత్రాన్ని క్రిస్మస్‌ సందర్భంగా డిసెంబర్‌ 23న విడుదల చేయనున్నట్లు మేకర్స్ ఇప్పటికే ప్రకటించారు. అయితే తాజాగా ఈ చిత్రాన్ని పోస్ట్‌ పోన్‌ చేస్తున్నట్లు చిత్రబృందం ప్రకటించింది.

‘రుద్రుడు’ సినిమాను ముందుగా అనుకున్న తేదీ కాకుండా నాలుగు నెలలు పోస్ట్‌ పోన్‌ చేస్తున్నట్లు మేకర్స్ ప్రకటించారు. ప్రస్తుతం ఈ మూవీ షూటింగ్‌ చివరిదశలో ఉంది. కానీ, వీఎఫ్‌ఎక్స్‌ పనులకు మరింత సమయం కేటాయించాల్సి రావడంతో రుద్రుడు చిత్రాన్ని పోస్ట్‌ పోన్‌ చేస్తున్నట్లు తెలిపారు. ఈ చిత్రాన్ని వచ్చే ఏడాది 14న తమిళంతో పాటు తెలుగు, కన్నడ, మలయాళ భాషల్లో విడుదల చేస్తున్నట్లు ప్రకటించారు.

ఈ చిత్రంలో లారెన్స్‌కు జోడీగా ప్రియా భవాని శంకర్ హీరోయిన్‌గా నటిస్తుంది. జీ.వి ప్రకాష్‌ కుమార్ సంగీతం అందిస్తున్న ఈ చిత్రాన్ని ఫైవ్‌ స్టార్‌ క్రియేషన్స్ బ్యానర్‌పై కదిరేశన్‌ స్వీయ నిర్మాణంలో తెరకెక్కిస్తున్నాడు. ప్రస్తుతం లారెన్స్‌ ‘చంద్రముఖి’ సీక్వెల్‌తో బిజీగా ఉన్నాడు. పీ. వాసు దర్శకత్వం వహిస్తున్న ఈ చిత్రం ప్రస్తుతం శరవేగంగా షూటింగ్‌ జరపుకుంటుంది. దీనితో పాటుగా ‘అదిగారమ్’, ‘దుర్గ’ సినిమాలను కూడా చేస్తున్నాడు. ఇక దర్శకుడిగా ‘కాంచనా’ సిరీస్‌లోని నాల్గవ భాగాన్ని తెరకెక్కించనున్నాడు. ప్రస్తుతం ఈ చిత్రం స్క్రిప్ట్‌ దశలో ఉంది.

Read Also:

The Ghost | ‘శివ’ సెంటిమెంట్‌ ‘ది ఘోస్ట్‌’ చిత్రానికి వర్కవుట్‌ అవుతుందా?

Jr. Ntr | రీ-రిలీజ్‌కు సిద్ధమవుతున్న ఎన్టీఆర్‌ బ్లాక్‌ బస్టర్ మూవీ?

Karthikeya-2 | ఓటీటీలోకి వచ్చేస్తున్న ‘కార్తికేయ-2’.. స్ట్రీమింగ్‌ డేట్‌ ఎప్పుడంటే?

Ponniyin Selvan-1 | ‘పొన్నియన్‌ సెల్వన్’ నటులకు షాకింగ్‌ రెమ్యునరేషన్‌.. ఒక్కొక్కరికి అన్ని కోట్లా?