Radhika | నటి రాధిక ఇంట్లో పనిచేసే మహిళ కుమారుడి దారుణ హత్య.. బీచ్లో పాతిపెట్టిన స్నేహితులు!
Radhika | దక్షిణాది సినీ పరిశ్రమలో నాలుగు దశాబ్దాలుగా తనదైన నటనతో ప్రత్యేక గుర్తింపు తెచ్చుకున్న సీనియర్ నటి రాధికా శరత్కుమార్ ఇంట్లో పనిచేసే మహిళ కుటుంబంలో తీవ్ర విషాదం చోటుచేసుకుంది. ఆమె వద్ద పనిచేస్తున్న సహాయకురాలి 19 ఏళ్ల కుమారుడు దారుణ హత్యకు గురయ్యాడు. స్నేహితులే అతడిని హత్య చేసి, మృతదేహాన్ని సముద్ర తీరంలోని ఇసుకలో పాతిపెట్టడం తమిళనాడులో తీవ్ర కలకలం రేపింది.
Radhika | దక్షిణాది సినీ పరిశ్రమలో నాలుగు దశాబ్దాలుగా తనదైన నటనతో ప్రత్యేక గుర్తింపు తెచ్చుకున్న సీనియర్ నటి రాధికా శరత్కుమార్ ఇంట్లో పనిచేసే మహిళ కుటుంబంలో తీవ్ర విషాదం చోటుచేసుకుంది. ఆమె వద్ద పనిచేస్తున్న సహాయకురాలి 19 ఏళ్ల కుమారుడు దారుణ హత్యకు గురయ్యాడు. స్నేహితులే అతడిని హత్య చేసి, మృతదేహాన్ని సముద్ర తీరంలోని ఇసుకలో పాతిపెట్టడం తమిళనాడులో తీవ్ర కలకలం రేపింది. యువకుడి అదృశ్యంపై కుటుంబ సభ్యులు ఫిర్యాదు చేయడంతో పోలీసులు చేపట్టిన దర్యాప్తులో ఈ దారుణం వెలుగులోకి వచ్చింది.
పోలీసులు తెలిపిన వివరాల ప్రకారం.. తమిళనాడులోని బన్రుట్టి ప్రాంతానికి చెందిన ఎళిల్సెల్వి చెన్నైలో నటి రాధికా శరత్కుమార్ ఇంట్లో సహాయకురాలిగా పనిచేస్తున్నారు. ఆమె కుమారుడు ప్రశాంత్ (19) స్వగ్రామంలో ఉంటూ తన మేనమామ రమేష్తో కలిసి భవన నిర్మాణ రంగంలో టైల్స్ వేసే పనులు చేసేవాడు. ఈ నెల 27న చెన్నైలో ఉంటున్న తల్లిని కలిసేందుకు ప్రశాంత్ బయలుదేరాడు. అయితే ఆ తర్వాత అతడి ఆచూకీ లభించలేదు. ఫోన్ చేసినా స్పందన లేకపోవడంతో కుటుంబ సభ్యులు తీవ్ర ఆందోళనకు గురయ్యారు. బంధువులు, తెలిసిన వారి వద్ద ఆరా తీసినా ప్రయోజనం లేకపోవడంతో పుదుప్పేట పోలీసులను ఆశ్రయించి ఫిర్యాదు చేశారు.
ప్రశాంత్ అదృశ్యంపై కేసు నమోదు చేసిన పోలీసులు దర్యాప్తును ముమ్మరం చేశారు. అతడి ఫోన్ కాల్ వివరాలు, సాంకేతిక ఆధారాలను పరిశీలించగా బన్రుట్టికి చెందిన దేవరాజు, దినేష్ అనే ఇద్దరు వ్యక్తులు చివరిగా ప్రశాంత్తో మాట్లాడినట్లు గుర్తించారు. దీంతో వారిని అదుపులోకి తీసుకుని విచారించారు.ఈ విచారణలో విస్తుపోయే విషయాలు బయటపడ్డాయి. ప్రశాంత్కు స్నేహితులైన దేవరాజు, దినేష్ అతడిని పొన్నేరి బీచ్ సమీపానికి తీసుకెళ్లి హత్య చేసినట్లు పోలీసుల విచారణలో వెల్లడైంది. అనంతరం ఎవరికీ అనుమానం రాకుండా మృతదేహాన్ని సముద్రతీరంలోని ఇసుకలో పాతిపెట్టినట్లు నిందితులు చెప్పినట్లు సమాచారం.నిందితులు ఇచ్చిన వివరాల ఆధారంగా పోలీసులు బీచ్ ప్రాంతానికి చేరుకుని గురువారం మృతదేహాన్ని వెలికితీశారు. అనంతరం పోస్టుమార్టం నిమిత్తం ఆసుపత్రికి తరలించారు. అసలు ఈ హత్యకు కారణం ఏమిటి? స్నేహితుల మధ్య ఏదైనా వివాదం జరిగిందా? లేక మరేదైనా కారణం ఉందా? అనే కోణాల్లో పోలీసులు దర్యాప్తు చేస్తున్నారు.
Read Today's Latest Cinema News in Telugu and Telugu News
- Tags
- domestic help
- murder
- radhika
- Son
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

