Visit:
Priyanka Jain | తెలుగు టెలివిజన్ ప్రపంచంలో ప్రత్యేక గుర్తింపు సంపాదించుకున్న నటి ప్రియాంక జైన్. ఈ అమ్మ‌డు సోషల్ మీడియాలో ఎప్పుడూ యాక్టివ్‌గా కనిపిస్తుంటారు. తన గ్లామరస్ ఫొటోలతో కుర్రకారును మెస్మరైజ్ చేస్తూ, వ్యక్తిగత జీవితానికి సంబంధించిన ప్రత్యేక సందర్భాలను అభిమానులతో పంచుకుంటూ ఉండే ఈ బ్యూటీ ఇటీవల మరోసారి హాట్ టాపిక్ అయింది. ప్రియాంక, నటుడు శివకుమార్‌తో గత ఐదేళ్లుగా ప్రేమలో ఉన్నట్టు టాలీవుడ్ వర్గాల్లో టాక్. చాలాకాలంగా వీరి ఎంగేజ్‌మెంట్, పెళ్లి గురించి గాసిప్స్ తెగ హల్‌చల్ చేస్తున్నా, ఇప్పటివరకు ఈ జంట అధికారికంగా స్పందించిందిలేదు.
అయితే ఇటీవల కొన్ని ఇంటర్వ్యూల్లో “వచ్చే ఏడాది పెళ్లి పీటలు ఎక్కుతాం” అంటూ చెప్పడంతో అభిమానుల్లో ఆనందానికి అవధులే లేకుండా పోయింది. మౌనరాగం, జానకి కలగనలేదు లాంటి సీరియల్స్ ద్వారా బుల్లితెరపై గుర్తింపు తెచ్చుకున్న ప్రియాంక, చెల్తే చల్తే సినిమాతో వెండితెరకు అడుగుపెట్టింది. అయితే సినిమాల్లో అంచనాల మేరకు అవకాశాలు రాకపోయినా, సీరియల్స్ ద్వారా స్టార్ హీరోయిన్స్ రేంజ్‌లో పాపులారిటీ సంపాదించుకుంది. తెలుగు బిగ్ బాస్ షోలో పాల్గొని తన ఆటతీరు, ప్రవర్తనతో ప్రేక్షకులను ఆకట్టుకుంది ప్రియాంక.
బిగ్ బాస్ షో తర్వాత గ్లామర్ పరంగా మరింత బోల్డ్ అవతారంలోకి మారింది అందాల ముద్దుగుమ్మ ప్రియాంక. సోషల్ మీడియాలో తరచూ హాట్ ఫొటోషూట్లతో తెగ హల్‌చల్ చేస్తున్న ఈ నటి, తాజాగా అమెరికాలో శివకుమార్‌తో కలిసి విహరిస్తున్న ఫొటోలు షేర్ చేసింది. ఈ ఫొటోల్లో వీరి మధ్య కెమిస్ట్రీ స్పష్టంగా కనిపించడంతో, కొంతమంది నెటిజన్లు “నడి రోడ్డుపై ఈ రొమాన్స్ ఏంటి?” అంటూ క్రేజీ కామెంట్లు చేస్తున్నారు. అయినా కూడా, ఈ జంటకు సోషల్ మీడియాలో ఫాలోయింగ్ రోజురోజుకూ పెరుగుతూనే ఉంది. ప్ర‌స్తుతం ప్రియాంక, శివ కుమార్ త‌మ కెరీర్‌పైనే దృష్టి పెట్టిన‌ట్టు తెలుస్తుంది.
