వాటిపై నాకు అవగాహన శూన్యం

‘నా కెరీర్‌లో ‘ఆర్టికల్‌ 370’ ఓ మరపురాని అనుభూతిని ఇచ్చిన సినిమా’ అంటున్నారు ప్రియమణి. యామీ గౌతమ్‌తో కలిసి ఆమె నటించిన ‘ఆర్టికల్‌ 370’ చిత్రం ఈ నెల 23న విడుదలైంది.

‘నా కెరీర్‌లో ‘ఆర్టికల్‌ 370’ ఓ మరపురాని అనుభూతిని ఇచ్చిన సినిమా’ అంటున్నారు ప్రియమణి. యామీ గౌతమ్‌తో కలిసి ఆమె నటించిన ‘ఆర్టికల్‌ 370’ చిత్రం ఈ నెల 23న విడుదలైంది. ప్రేక్షకుల్లో స్పందన కూడా బాగానే ఉందని టాక్‌. ఈ సినిమా ప్రమోషన్‌లో భాగంగా ఓ ఇంటర్‌వ్యూలో పాల్గొన్నారు ప్రియమణి. ఈ సందర్భంగా ఆమె మాట్లాడుతూ ‘నాకు చట్టం గురించి కానీ, రాజ్యాంగంలోని అంశాల గురించి కానీ అవగాహన శూన్యం.

ఈ సినిమా ఆఫర్‌ రాగానే అసలు ‘ఆర్టికల్‌ 370’ అంటే ఏంటో తెలుసుకోవాలని ఒప్పుకున్నాను. కథ విన్న తర్వాత ఇందులో భాగం అయినందుకు సంతోషం అనిపించింది. ఎందుకంటే ఇది కల్పిత కథ కాదు. యథార్థ సంఘటనల ఆధారంగా రూపొందిన కథ. ఈ సినిమా చేసినందుకు కొన్ని అంశాలపై నాకు అవగాహన కుదిరింది.

అలాగే ఆడియన్స్‌కి కూడా పలు అంశాలపై అవగాహన పెంచే సినిమా ఇది’ అని చెప్పారు ప్రియమణి. ఇంకా మాట్లాడుతూ ‘నాకు నచ్చిన యాక్ట్రస్‌లో యామి గౌతమ్‌ ఒకరు. తను పక్కింటి అమ్మాయిలా కనిపించే పాత్రలే ఎక్కువ చేసింది. ఈ సినిమా ఆమెలోని మరో కోణం. ఈ పాత్ర కోసం చాలా కష్టపడింది యామి. తనతో స్క్రీన్‌ షేర్‌ చేసుకున్నందుకు ఆనందంగా ఉంది’ అంటూ చెప్పుకొచ్చింది ప్రియమణి.