ముగ్గురు భామలతో ఆటాపాట

రెండు సినిమాలు సెట్స్‌లో.. రెండు సినిమాలు ప్రీప్రొడక్షన్‌లో.. ఇలా సెట్‌ చేశారు పాన్‌ఇండియా స్టార్‌ ప్రభాస్‌. ప్రస్తుతం ది రాజాసాబ్‌, ఫౌజీ సినిమాలు సెట్స్‌ మీదున్నాయి.

రెండు సినిమాలు సెట్స్‌లో.. రెండు సినిమాలు ప్రీప్రొడక్షన్‌లో.. ఇలా సెట్‌ చేశారు పాన్‌ఇండియా స్టార్‌ ప్రభాస్‌. ప్రస్తుతం ది రాజాసాబ్‌, ఫౌజీ సినిమాలు సెట్స్‌ మీదున్నాయి. స్పిరిట్‌, కల్కి 2 సినిమాలు ప్రీప్రొడక్షన్‌ పనులు జరుపుకుంటున్నాయి. ఇవిగాక, సలార్‌ 2, ప్రశాంత్‌వర్మ మూవీ కూడా లైన్లో ఉన్నాయి. బహుశా ఇప్పుడున్న హీరోల్లో ఈ లైనప్‌ ఎవరికీ లేదేమో!. వీటిలో ముందు రిలీజ్‌ అయ్యే సినిమా ‘ది రాజాసాబ్‌’.

ప్రస్తుతం కూల్‌గా ఈ సినిమా షూటింగ్‌ జరుగుతున్నది. డిసెంబర్‌ 5న సినిమాను విడుదల చేసేందుకు నిర్మాత టీజీ విశ్వప్రసాద్‌ సన్నాహాలు చేసుకుంటున్నారు. ఇదిలావుంటే.. ఈ సినిమాపై ఓ లేటస్ట్‌ అప్‌డేట్‌ వచ్చింది. ఇందులో మొత్తం అయిదు పాటలుంటాయట.

తమన్‌ స్వరపరిచిన ఈ అయిదు పాటలు.. అయిదు జానర్లలో ఉంటాయని సమాచారం. వీటిలో ఒకటి ఇంట్రడక్షన్‌ సాంగ్‌ కాగా, రెండోది రొమాంటిక్‌ మెలొడీ, మూడోది మాళవిక మోహనన్‌తో మాస్‌ బీట్‌ , ‘ది రాజాసాబ్‌’ థీమ్‌ సాంగ్‌ నాలుగోది, వీటన్నింతోపాటు కథానాయికలు మాళవిక మోహనన్‌, నిధి అగర్వాల్‌, రిద్ధి కుమార్‌లతో కలిసి ప్రభాస్‌ చేసే ఊరమాస్‌ సాంగ్‌ అయిదోది.. ఈ విధంగా దర్శకుడు మారుతి ప్లాన్‌ చేశారట. తమన్‌ నెక్ట్స్‌ లెవల్లో ఈ పాటలను కంపోజ్‌ చేస్తే, వాటిని మారుతి కలర్‌ఫుల్‌గా తెరకెక్కించారట. ఏదేమైనా ‘ది రాజాసాబ్‌’ డార్లింగ్‌ ఫ్యాన్స్‌కి ఓ విజువల్‌ ఫీస్టే కానున్నదని చెప్పొచ్చు.