‘ఫౌజీ’ కోసం రంగంలోకి..

ప్రస్తుతం ‘కల్కి-2’ ‘ఫౌజీ’ వంటి భారీ చిత్రాల షూటింగ్స్‌తో బిజీగా ఉన్నారు అగ్ర హీరో ప్రభాస్‌. ఇటీవల ఆయన పుట్టిన రోజు సందర్భంగా విడుదల చేసిన ‘ఫౌజీ’ గ్లింప్స్‌ సినిమాపై మరింతగా అంచనాల్ని పెంచింది.

ప్రస్తుతం ‘కల్కి-2’ ‘ఫౌజీ’ వంటి భారీ చిత్రాల షూటింగ్స్‌తో బిజీగా ఉన్నారు అగ్ర హీరో ప్రభాస్‌. ఇటీవల ఆయన పుట్టిన రోజు సందర్భంగా విడుదల చేసిన ‘ఫౌజీ’ గ్లింప్స్‌ సినిమాపై మరింతగా అంచనాల్ని పెంచింది. స్వాతంత్రోద్యమ కాలం నాటి కథాంశంతో పీరియాడిక్‌ యాక్షన్‌ డ్రామాగా ఈ చిత్రాన్ని తెరకెక్కిస్తున్నారు. ఇందులో ప్రభాస్‌ సైనికుడి పాత్రలో కనిపించనున్నారు.

తాజా సమాచారం ప్రకారం ఈ సినిమా చిత్రీకరణ తుదిదశకు చేరుకుంది. ఈ నెల 3 నుంచి తిరిగి ఈ సినిమా సెట్‌లో జాయిన్‌ కాబోతున్నారు ప్రభాస్‌. ఈ షెడ్యూల్‌లో ప్రధాన తారాగణం పాల్గొనగా కీలక ఘట్టాలను తెరకెక్కిస్తారని తెలిసింది. వచ్చే ఏడాది మార్చి 19న ఈ సినిమా ప్రేక్షకుల ముందుకురానుంది. మైత్రీ మూవీ మేకర్స్‌ ఈ చిత్రాన్ని నిర్మిస్తున్నది. మొత్తానికి ‘కల్కి-2’తో పాటు ‘ఫౌజీ’ చిత్రాల్ని సమాంతరంగా ముందుకు తీసుకెళ్తూ బిజీగా మారారు ప్రభాస్‌.