Prabhas | ప్ర‌భాస్ అభిమానుల‌కి డ‌బుల్ బొనాంజా.. త్వ‌ర‌లోనే గుడ్ న్యూస్ రానుందా?

Prabhas | రెబల్ స్టార్ ప్రభాస్ హీరోగా మారుతి దర్శకత్వంలో తెరకెక్కుతున్న హారర్ కామెడీ ఎంటర్‌టైనర్ ‘ది రాజాసాబ్’ సినిమా మీద భారీ అంచనాలు నెలకొన్నాయి. పీపుల్స్ మీడియా ఫ్యాక్టరీ బ్యానర్‌పై విశ్వప్రసాద్ ఈ చిత్రాన్ని భారీ బడ్జెట్‌తో నిర్మిస్తున్నారు.

Prabhas | రెబల్ స్టార్ ప్రభాస్ హీరోగా మారుతి దర్శకత్వంలో తెరకెక్కుతున్న హారర్ కామెడీ ఎంటర్‌టైనర్ ‘ది రాజాసాబ్’ సినిమా మీద భారీ అంచనాలు నెలకొన్నాయి. పీపుల్స్ మీడియా ఫ్యాక్టరీ బ్యానర్‌పై విశ్వప్రసాద్ ఈ చిత్రాన్ని భారీ బడ్జెట్‌తో నిర్మిస్తున్నారు. ఇందులో ప్రభాస్ సరసన నిధి అగర్వాల్, మాళవిక మోహనన్, రిద్ధి కుమార్‌లు హీరోయిన్లుగా నటిస్తుండగా, బాలీవుడ్ స్టార్ సంజయ్ దత్ విలన్‌గా కీలక పాత్ర పోషిస్తున్నారు. సంగీతాన్ని మ్యూజిక్ సెన్సేషన్ తమన్ అందిస్తున్నారు. ఇటీవల విడుదలైన ‘రాజాసాబ్’ ట్రైలర్ ప్రభాస్ అభిమానుల్లో భారీ హైప్ క్రియేట్ చేసింది.

ప్రభాస్ కామెడీ టైమింగ్‌, హారర్ అండ్ రొమాంటిక్ టచ్‌తో కూడిన సీన్స్ ఫ్యాన్స్‌కు కొత్త అనుభూతిని ఇచ్చాయి. మారుతి దర్శకత్వంలో ప్రభాస్ లైట్‌హార్ట్ రోల్‌లో కనిపించడం అభిమానులను ఉత్సాహపరిచింది. ఇక తాజాగా నిర్మాత విశ్వప్రసాద్ మీడియా సమావేశంలో ఫస్ట్ సింగిల్ నవంబర్ 5న విడుదల కానుందని ప్రకటించారు. ఈ పాట విడుదలతో సినిమా మీద మరింత అంచనాలు పెరగనున్నాయి. ఇదిలా ఉండగా, చిత్రబృందం మరో ఆసక్తికర విషయం వెల్లడించింది. ‘రాజాసాబ్’ సినిమాను రెండు భాగాలుగా రూపొందించాలనే నిర్ణయం తీసుకున్నారు. దర్శకుడు మారుతి, ప్రభాస్‌కు రెండో పార్ట్ ఐడియా చెప్పగానే ఆయన వెంటనే ఓకే చెప్పారని సమాచారం. మొదటి భాగం జనవరి 9న థియేటర్లలో విడుదల కానుంది, చివర్లో సెకండ్ పార్ట్‌కు సంబంధించిన హింట్ ఇవ్వనున్నారని టాక్ వినిపిస్తోంది.

ప్రస్తుతం క్లైమాక్స్ ఫైట్ సీక్వెన్స్ షూట్ జరుగుతుండగా, త్వరలో షూటింగ్ పూర్తయ్యి పోస్ట్ ప్రొడక్షన్ పనులు మొదలవుతాయి. ఈ చిత్రంలో ప్రభాస్ డ్యూయల్ రోల్‌లో కనిపించనున్నాడు. ఒక పాత్రలో కామెడీ టచ్ ఉండగా, మరో పాత్రలో యాక్షన్, సీరియస్ షేడ్ ఉంటుందని టీజర్ ద్వారా తెలుస్తోంది. హారర్, కామెడీ, లవ్ ఎలిమెంట్స్‌తో ఫ్యామిలీ ఆడియన్స్‌ను అలరించడానికి ఈ సినిమా సిద్ధమవుతోంది. ‘బాహుబలి’ తర్వాత ప్రభాస్ ప్రధానంగా యాక్షన్, సీరియస్ సినిమాల్లోనే కనిపించాడు. ఇప్పుడు ‘రాజాసాబ్’తో తనలోని ఫన్ సైడ్‌ను మళ్లీ బయటకు తీసుకురావడానికి ప్రయత్నిస్తున్నాడు. ఇదే సమయంలో ప్రభాస్ ‘స్పిరిట్’ (సందీప్ రెడ్డి వంగా దర్శకత్వం), ‘ఫౌజీ’, ‘కల్కి 2’, ‘సలార్ 2’ వంటి పలు భారీ ప్రాజెక్టులతో కూడా బిజీగా ఉన్నాడు. అయినప్పటికీ, ‘రాజాసాబ్’ రెండో భాగం పనులు కూడా త్వరలోనే ప్రారంభం కానున్నాయని టాక్. మొత్తానికి, జనవరి 9న విడుదలకానున్న ‘రాజాసాబ్’తో ప్రభాస్ మరోసారి థియేటర్లలో హంగామా చేయబోతున్నాడు. అభిమానులకు ఈసారి డబుల్ ఫెస్ట్ ఖాయం అనమాట.