Prabhas | ప్ర‌భాస్ టేస్టే వేరు.. వ్యానిటీ వ్యాన్ లో ప్ర‌త్యేక సౌక‌ర్యం ఇదే

టాలీవుడ్ (Tollywood) హీరోలు వ్యానిటీ వ్యాన్ల (Vanity Van ) కోసం ఎంత ఖ‌ర్చైనా పెట్టేందుకు రెడీ అవుతున్నారు. త‌మ అభిరుచుల‌కు అనుగుణంగా వ్యానిటీ వ్యాన్ల‌లో ల‌గ్జ‌రీ సౌక‌ర్యాలు ఏర్పాటు చేయించుకుంటున్నారు.

September 16, 2021 / 08:24 PM IST

Prabhas | ప్ర‌భాస్ టేస్టే వేరు.. వ్యానిటీ వ్యాన్ లో ప్ర‌త్యేక సౌక‌ర్యం ఇదే

టాలీవుడ్ (Tollywood) హీరోలు వ్యానిటీ వ్యాన్ల (Vanity Van ) కోసం ఎంత ఖ‌ర్చైనా పెట్టేందుకు రెడీ అవుతున్నారు. త‌మ అభిరుచుల‌కు అనుగుణంగా వ్యానిటీ వ్యాన్ల‌లో ల‌గ్జ‌రీ సౌక‌ర్యాలు ఏర్పాటు చేయించుకుంటున్నారు. తాజాగా పాన్ ఇండియా స్టార్ ప్ర‌భాస్ (Prabhas) త‌న వ్యానిటీ వ్యానులో స‌హ‌జ‌సిద్ద‌మైన వెలుతురు కోసం స‌న్ రూఫ్ పీచ‌ర్ (sunroof feature) ను ఏర్పాటు చేయించుకున్నాడు. ఔట్ డోర్ లొకేష‌న్ లో షూటింగ్ కొన‌సాగుతున్న‌పుడు కృత్రిమ కాంతి కాకుండా బ‌య‌ట నుంచి వచ్చే వెలుతురును ఆస్వాదించ‌డమంటే ప్ర‌భాస్ కు చాలా ఇష్టమ‌ట‌. అందుకు అనుగుణంగా వ్యానిటీ వ్యాన్ ను క‌స్ట‌మైజ్ చేయించుకున్నాడు ప్ర‌భాస్‌.

వ్యానిటీ వ్యాన్ లో ఏర్పాటు చేయించుకున్న స్పెష‌ల్ ఫీచ‌ర్ కు సంబంధించిన ఫొటోను ఆదిపురుష్ డైరెక్ట‌ర్ ఓం రావ‌త్ సోష‌ల్ మీడియా ద్వారా పంచుకున్నాడు. ప‌నిలో ఉన్న‌పుడు కూడా ప్ర‌కృతికి ద‌గ్గ‌ర‌గా ఉండ‌టం గొప్ప విష‌యం అంటూ ప్ర‌భాస్ ను ప్ర‌శంసించాడు ఓం రావ‌త్‌. తానాజీ సినిమాతో మంచి గుర్తింపు తెచ్చుకున్న‌ ఓం రావ‌త్ ద‌ర్శ‌క‌త్వంలో ఆదిపురుష్ సినిమా తెర‌కెక్కుతుంది.

ఈ మూవీలో ప్ర‌భాస్ లో రాముడి పాత్ర‌లో క‌నిపించ‌నుండ‌గా..బాలీవుడ్ భామ కృతిస‌న‌న్ సీత పాత్ర‌లో న‌టిస్తోంది. బాలీవుడ్ స్టార్ యాక్ట‌ర్ సైఫ్ అలీఖాన్ లంకేశ్ పాత్ర‌లో క‌నిపించ‌బోతున్నాడు. స‌న్నీ సింగ్ ల‌క్ష్మ‌ణుడిగా, దేవ్‌ద‌త్తా న‌గే హ‌నుమంతుడి పాత్ర‌లో న‌టిస్తున్నాడు. ఈ సినిమా షూటింగ్‌లో అగ్ర‌భాగం స్పెష‌ల్ గా వేసిన సెట్స్ లో పూర్తి కానుంది.