అమ్మో ప్ర‌భాస్‌ రాధే శ్యామ్ సినిమా క్లైమాక్స్ కోసం అంత ఖ‌ర్చు పెట్టారా?

October 20, 2021 / 10:36 PM IST

radhe shyam climax | బాహుబ‌లి త‌ర్వాత పాన్ ఇండియా స్టార్‌గా మారిన ప్ర‌భాస్‌.. వ‌రుస సినిమాల‌తో క్ష‌ణం తీరిక లేకుండా గ‌డిపేస్తున్నాడు. ప్ర‌స్తుతం ప్ర‌భాస్ న‌టించిన రాధే శ్యామ్ విడుద‌ల‌కు సిద్ధంగా ఉండ‌గా.. ప్ర‌శాంత్ నీల్‌తో స‌లార్‌ ( Salaar ), ఓం రౌత్ ద‌ర్శ‌క‌త్వంలో ఆదిపురుష్ ( adipurush ) సినిమాల‌తో బిజీగా ఉన్నాడు. ఇవి పూర్తి కాగానే నాగ్ అశ్విన్‌తో ప్రాజెక్ట్ కే అనే పీరియాడిక‌ల్ సినిమాలో న‌టించ‌నున్నాడు. ఆ త‌ర్వాత సందీప్ రెడ్డి వంగా ద‌ర్శ‌క‌త్వంలో స్పిరిట్ ( Spirit ) అనే ప్రాజెక్ట్‌కు ఓకే చెప్పాడు. ఇవే కాకుండా దిల్ రాజుతో ఒక సినిమా, ప్ర‌శాంత్ నీల్‌తో మ‌రో సినిమా చేయ‌బోతున్న‌ట్లు తెలుస్తోంది. ఇలా వ‌రుస సినిమాల‌తో రెండు మూడేండ్లు ప్ర‌భాస్ బిజీగా గ‌డ‌ప‌బోతున్నాడు. ఈ క్ర‌మంలో ప్ర‌భాస్ బ‌ర్త్ డే ద‌గ్గ‌రికి వ‌స్తుండ‌టంతో రాధే శ్యామ్ సినిమా గురించి ఆస‌క్తిక‌ర‌మైన విష‌యం ఒక‌టి బ‌య‌ట‌కొచ్చింది.

ప్ర‌భాస్‌, పూజా హెగ్డే ( Pooja Hegde ) జంట‌గా న‌టించిన‌ రాధే శ్యామ్ సినిమా సంక్రాంతి కానుక వ‌చ్చే ఏడాది జ‌న‌వ‌రి 14న విడుద‌ల కానుంది. జిల్ ఫేమ్ రాధాకృష్ణ కుమార్ ఈ చిత్రానికి ద‌ర్శ‌క‌త్వం వ‌హిస్తున్నాడు. యూవీ క్రియేష‌న్స్‌, టీ సిరిస్ సంస్థ‌లు సంయుక్తంగా నిర్మిస్తున్నాయి. 1975 బ్యాక్‌డ్రాప్‌లో యూర‌ప్ నేప‌థ్యంలో పీరియాడిక‌ల్ ల‌వ్ స్టోరీగా ఈ సినిమా వ‌స్తుంది. ఇందులో రెబ‌ల్ స్టార్ కృష్ణం రాజు కీల‌క పాత్ర‌లో న‌టిస్తున్నాడు. ఇప్ప‌టివ‌ర‌కు విడుద‌లైన సినిమా ప్ర‌చార చిత్రాల‌ను సినిమాపై భారీగా అంచ‌నాలు పెంచేశాయి. ఈ క్ర‌మంలో ప్ర‌భాస్ బ‌ర్త్ డే సంద‌ర్భంగా ఈ నెల 23న టీజ‌ర్‌ను విడుద‌ల చేయ‌బోతున్న‌ట్లు చిత్ర బృందం ప్ర‌క‌టించింది. ఈ క్ర‌మంలో చిత్రానికి సంబంధించిన ఒక వార్త సోష‌ల్ మీడియాలో చ‌క్క‌ర్లు కొడుతుంది. రాధే శ్యామ్ సినిమా మొత్తానికి క్లైమాక్స్ హైలెట్‌గా ఉంటుంద‌ట‌. 15 నిమిషాల నిడివితో భారీ యాక్ష‌న్ ఎపిసోడ్ ప్లాన్ చేశాడంట ద‌ర్శ‌కుడు. ఈ సీన్ కోసం నిర్మాత‌లు దాదాపు 50 కోట్లు ఖ‌ర్చు పెట్టిన‌ట్లు స‌మాచారం.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి