పాత్రలో సహజత్వం, వాస్తవికత కనిపించడం కోసం అరువు గొంతులకు స్వస్తి పలికి సొంత గళాన్ని వినిపించడానికి ఉద్యుక్తులవుతున్నారు అగ్రకథానాయికలు. ‘మోస్ట్ ఎలిజిబుల్ బ్యాచ్లర్’ సినిమా కోసం పూజాహెగ్డే సొంతంగా డబ్బింగ్ చెబుతోంది. అఖిల్ అక్కినేని హీరోగా నటిస్తున్న ఈ చిత్రానికి బొమ్మరిల్లు భాస్కర్ దర్శకుడు. అల్లు అరవింద్ సమర్పణలో బన్నీవాసు, వాసువర్మ నిర్మిస్తున్నారు. తన పాత్ర కోసం పూజాహెగ్డే డబ్బింగ్ చెబుతున్న ఫొటోలను చిత్రబృందం విడుదలచేసింది. తెలుగులో చక్కటి స్పష్టతతో ఆమె డబ్బింగ్ చెబుతున్నట్లు తెలిసింది. నిర్మాతలు మాట్లాడుతూ ‘రొమాంటిక్ ఫ్యామిలీ ఎంటర్టైనర్ ఇది. భిన్న ధృవాల్లాంటి ఓ జంట ప్రేమాయణం ఎలా పెళ్లిపీటలవరకు చేరుకున్నదనేది ఆకట్టుకుంటుంది. అక్టోబర్ 8న ఈ సినిమాను విడుదలచేయబోతున్నాం’ అని తెలిపారు. ఆమని, మురళీశర్మ, జయప్రకాష్ ముఖ్య పాత్రల్ని పోషిస్తున్న ఈ చిత్రానికి సంగీతం: గోపీసుందర్.