Visit:
Pawan Kalyan | టాలీవుడ్ యాక్టర్ పవన్ కల్యాణ్ (Pawan Kalyan) కాంపౌండ్ నుంచి సినిమా వస్తుందంటే అంచనాలు ఏ స్థాయిలో ఉంటాయో తెలిసిందే. ఈ స్టార్‌ హీరో టైటిల్ రోల్‌లో నటిస్తోన్న చిత్రం హరిహరవీరమల్లు (Hari Hara Veera Mallu). జ్యోతికృష్ణ దర్శకత్వం వహిస్తున్నాడు. ఈ మూవీ రెండు పార్టులుగా వస్తుంది.
హరిహరవీరమల్లు పార్ట్‌ 1 మార్చి 28న ప్రపంచవ్యాప్తంగా గ్రాండ్‌గా విడుదల కానుంది. ఈ నేపథ్యంలో మ్యూజిక్‌ ప్రమోషన్స్‌లో భాగంగా మేకర్స్ ఫస్ట్‌ సింగిల్‌ వినాలి.. వీరమల్లు మాట వినాలి ఫుల్ లిరికల్ వీడియో సాంగ్‌ లాంచ్ చేయగా మంచి స్పందన వస్తోంది. ముందుగా చెప్పిన ప్రకారం మేకర్స్ పవన్ కల్యాణ్ పాడిన ఈ పాటకు సంబంధించిన బీటీఎస్ వీడియోను షేర్ చేశారు.
పవన్ కల్యాణ్ స్టూడియోలో వీరమల్లుగా విల్లు ఎక్కుపెడుతూ.. మరోవైపు డప్పు వాయిస్తూ ఏం గుల్పామ్‌ ఏం గురాయించి చూస్తున్నవ్‌ భయపెట్టనీకా..? ఓహో చాలా మందిని చూసినాంలే బిడ్డా. హే మునిమాణిక్యం చూసినవా.. గురాయించి చూస్తుండు బేటా.. మన లెక్క తెల్వదు.. వినాలి.. వీరమల్లు మాట చెబితే వినాలి.. అంటూ తెలంగాణ యాసలో పాడుతున్న పాట సినిమాకే హైలెట్‌గా నిలుస్తుందనడంలో ఎలాంటి అతిశయోక్తి లేదు.
హరిహరవీరమల్లులో ఇస్మార్ట్‌ భామ నిధి అగర్వాల్‌ ఫీ మేల్‌ లీడ్‌ రోల్‌లో నటిస్తోంది. పీరియాడిక్ డ్రామా నేపథ్యంలో వస్తోన్న ఈ మూవీలో బాలీవుడ్‌ యాక్టర్, దర్శక నిర్మాత అనుపమ్‌ ఖేర్‌, అర్జున్ రాంపాల్‌, న‌ర్గీస్ ఫ‌క్రీ కీలక పాత్రల్లో నటిస్తున్నారు. లెజెండరీ మ్యూజిక్‌ డైరెక్టర్‌ ఎంఎం కీర‌వాణి మ్యూజిక్‌, బ్యాక్‌ గ్రౌండ్ స్కోర్‌ అందిస్తున్నాడు. ఈ మూవీని ఏఎం రత్నం సమర్పణలో మేఘ సూర్య ప్రొడక్షన్‌ బ్యానర్‌పై ఏ దయాకర్‌రావు నిర్మిస్తున్నారు.
మాట వినాలి బీటీఎస్ వీడియో..
The man behind the powerful vocals of #HariHaraVeeraMallu’s first single! 🌪🔥
Here’s the BTS video of #HHVM 1st Single Out Now 💥 – https://t.co/zrX96szJgI#MaataVinaali #BaatNirali #KekkanumGuruve #MaathukeLayya #KelkkanamGuruve
Sung by the one and only, POWERSTAR 🌟… pic.twitter.com/xSIKRvzCpH
— Hari Hara Veera Mallu (@HHVMFilm) January 29, 2025
మాట వినాలి లిరికల్ వీడియో..
Sai Pallavi | తండేల్‌కు సాయిపల్లవి టాప్‌ రెమ్యునరేషన్‌.. ఈ సారి నో కాంప్రమైజ్‌..!
Mazaka | వైజాగ్ రోడ్లపై రావు రమేశ్‌, సందీప్‌ కిషన్‌.. ఇంప్రెసివ్‌గా మజాకా బ్యాచిలర్స్‌ ఆంథెమ్ సాంగ్‌
