Jalsa Movie Re-Release Trailer | పవన్ కళ్యాణ్ సినిమాల్లో ‘జల్సా’కు ప్రత్యేక స్థానం ఉంటుంది. ‘తొలిప్రేమ’, ‘తమ్ముడు’, ‘బద్రి’, ‘ఖుషి’ వంటి వరుస బ్లాక్ బాస్టర్ల తర్వాత పవన్ కళ్యాణ్కు దాదాపు ఏడేళ్ళ వరకు ఒక్క హిట్టు కూడా లేదు. ఎంత త్వరగా స్టార్ అయ్యాడో.. అంతే తొందరగా కిందికి పడిపోయాడు. అయితే వరుసగా 5 సినిమాలు ఫ్లాప్స్ అయిన పవన్ క్రేజ్ మాత్రం కొంచెం కూడా తగ్గలేదు. ఫ్యాన్స్ కోసం ఒక్క సినిమా హిట్టయితే చాలు అని అనుకుంటున్న టైంలో పవన్ ‘జల్సా’ సినిమాతో ప్రేక్షకుల ముందుకు వచ్చాడు. త్రివిక్రమ్ దర్శకత్వం వహించిన ఈ చిత్రం మొదటి రోజు నుండే రికార్డులను క్రియేట్ చేసింది. నైజాంలో 10కోట్ల షేర్ సాధించిన మొదటి సినిమాగా రికార్డు సృష్టించింది. అంతేకాకుండా ఫస్ట్వీక్లోనే ఈ చిత్రం రూ.21 కోట్లను సాధించి అరుదైన ఘనతను సాధించింది.
వెయ్యి స్క్రీన్లలో విడుదలైన మొదటి టాలీవుడ్ సినిమాగా ‘జల్సా’ రికార్డు సృష్టించింది. ఒక్కటేమిటీ ఇలా చెప్పుకుంటూ పోతే ఎన్నో రికార్డులను జల్సా మూవీ సాధించింది. కాగా పవన్ కళ్యాణ్ బర్త్డే సందర్భంగా జల్సా చిత్రం దాదాపు 500 షోస్తో సెప్టెంబర్ 2న రీ రిలీజ్ అవుతుంది. ఈ క్రమంలో ‘జల్సా’ రీ రిలీజ్ ట్రైలర్ను యువ హీరో సాయిధరమ్ తేజ్ విడుదల చేశాడు. మహేష్ బాబు వాయిస్ ఓవర్తో మొదలైన ట్రైలర్ ‘యుద్ధంలో గెలవడమంటే శత్రువుని చంపడం కాదు ఓడించడం’ అంటూ పవన్ కళ్యాణ్ డైలాగ్తో ముగుస్తుంది. ఇప్పుడున్న టేస్ట్కు తగ్గట్టు ట్రైలర్ను బాగా కట్ చేశారు. ఇక ఇప్పటికే చాలా చోట్ల ‘జల్సా’ సినిమాకు హౌస్ బోర్డులు పడ్డాయి. కొన్ని చోట్ల తమ్ముడు సినిమా కూడా రి రిలీజ్ అవుతుంది.