Visit:
Pawan Kalyan | ఏ హీరో అభిమానికైనా తమ ఫేవరెట్ స్టార్ నుంచి ఎప్పుడూ బెస్ట్ అవుట్పుట్ రావాలనే కోరిక ఉంటుంది. అది ప్రతిసారీ సాధ్యం కాకపోయినా, ఒకసారి ఆ ఆనందం దొరికితే దానికి విలువ కట్టలేము. ఇప్పుడు అదే ఫీలింగ్లో పవర్ స్టార్ పవన్ కళ్యాణ్ అభిమానులు ఉన్నారు. పవన్ హీరోగా నటిస్తున్న ఉస్తాద్ భగత్ సింగ్ నుంచి తాజాగా విడుదలైన ఫస్ట్ సింగిల్ ‘దేఖేలేంగే సాలా’ (Dekhlenge Saala) పాట అభిమానులను ఉర్రూతలూగిస్తోంది. సాధారణంగా ఒక హీరో అభిమానులు తమ హీరోకి సంబంధించిన కంటెంట్కే పరిమితమవుతారు. కానీ ఈసారి పరిస్థితి పూర్తిగా మారింది.
పవన్ కళ్యాణ్ నుంచి వచ్చిన ఈ అన్ఎక్స్పెక్టెడ్ ఫీస్ట్ కేవలం ఆయన ఫ్యాన్స్కే కాదు, ఇతర హీరోల అభిమానులను కూడా ఆకట్టుకుంటోంది. పాటలోని పవన్ డాన్స్ స్టెప్స్, ఎనర్జీ చూసి నెటిజన్లు ఫిదా అవుతున్నారు. ఫలితంగా సోషల్ మీడియాలో పవన్ డాన్స్ క్లిప్స్ వైరల్ అవుతూ ట్రెండ్ అవుతున్నాయి. ప్రస్తుతం ఎక్కడ చూసినా ‘పవన్ డాన్స్ మేనియా’నే కనిపిస్తోంది. ఇంతటి హంగామా వెనుక దర్శకుడు హరీష్ శంకర్ పాత్ర కీలకం అని చెప్పాలి. గతంలో గబ్బర్ సింగ్ తో పవన్ కళ్యాణ్ను అభిమానులు ఎలా చూడాలనుకుంటున్నారో అచ్చం అలానే చూపించి సంచలన బ్లాక్బస్టర్ ఇచ్చారు హరీష్ శంకర్. అదే ఫార్ములాను ఇప్పుడు ఉస్తాద్ భగత్ సింగ్ ఫస్ట్ సింగిల్లోనూ అప్లై చేశారు. పవన్ ఫ్యాన్స్ నాడిని బాగా చదివిన ఆయన, ప్రతి ఫ్రేమ్ను పవర్ఫుల్గా డిజైన్ చేస్తూ చాలా కాలంగా మిస్ అవుతున్న పవర్ స్టార్ ఎనర్జీని మళ్లీ తెరపైకి తీసుకొచ్చారు.
ఇప్పుడు సోషల్ మీడియాలో ఈ స్థాయిలో హడావుడి జరుగుతుందంటే దానికి ప్రధాన కారణం హరీష్ శంకర్ విజన్నే అని చెప్పాలి. ఫస్ట్ సింగిల్తోనే సినిమాపై భారీ అంచనాలు పెరిగిపోయాయి. ఇక మిగతా అప్డేట్స్ ఎలా ఉంటాయో చూడాలి. ఈ సినిమా కోసం అయితే పవన్ అభిమానులు ఎంతో ఆసక్తిగా ఎదురు చూస్తున్నారు.
