Sangeetha | పరదాలో రత్నమ్మ

అనుపమ పరమేశ్వరన్‌ ప్రధాన పాత్ర పోషిస్తున్న చిత్రం ‘పరదా’. దర్శన రాజేంద్రన్‌, సంగీత కీలకపాత్రలు పోషిస్తున్నారు.

అనుపమ పరమేశ్వరన్‌ ప్రధాన పాత్ర పోషిస్తున్న చిత్రం ‘పరదా’. దర్శన రాజేంద్రన్‌, సంగీత కీలకపాత్రలు పోషిస్తున్నారు. ప్రవీణ్‌ కాండ్రేగుల దర్శకుడు. విజయ్‌ డొంకాడ, శ్రీనివాసులు పి.వి, శ్రీధర్‌ మక్కువ నిర్మాతలు. నిర్మాణం తుదిదశకు చేరుకున్న ఈ చిత్రం త్వరలో విడుదల కానుంది. ఇప్పటికే విడుదల చేసిన ప్రచార చిత్రాలకు మంచి స్పందన వస్తున్నదని మేకర్స్‌ ఆనందం వెలిబుచ్చారు.

ఇందులో ‘రత్నమ్మ’గా కీలక పాత్ర పోషిస్తున్న సంగీత ఫస్ట్‌లుక్‌ని సోమవారం విడుదల చేశారు. ఓ చేత్తో అట్లకాడ, మరో చేత్తో చిల్లులగెరిట పట్టుకొని సంగీత హోమ్లీగా నవ్వుతూ ఈ లుక్‌లో కనిపిస్తున్నది. ఢిల్లీ, హిమాచలప్రదేశ్‌లతోపాటు కొన్ని గ్రామాల్లోని అద్భుతమైన లొకేషన్స్‌లో చిత్రీకరణ జరిపామని, అనుపమ పరమేశ్వరన్‌ కెరీర్‌లో చిరస్థాయిగా నిలిచే చిత్రమిదని మేకర్స్‌ చెబుతున్నారు. ఈ చిత్రానికి కెమెరా: మృదుల్‌ సుజిత్‌సేన్‌, సంగీతం: గోపీసుందర్‌, నిర్మాణం: ఆనంద మీడియా.