Panchali Pancha bhartruka | ఘ‌నంగా ‘పాంచాలి పంచభర్తృక’ ప్రీ రిలీజ్ వేడుక: ఈ నెల 14న థియేటర్లలో నవ్వుల వరద

PanchaliPanchabhartruka | టాలీవుడ్ లెజెండరీ నటుడు డా. రాజేంద్ర ప్రసాద్ ప్రధాన పాత్రలో నటిస్తున్న తాజా విభిన్న కుటుంబ కథా చిత్రం ‘పాంచాలి పంచభర్తృక’. గంగ సప్తశిఖర దర్శకత్వంలో తెరకెక్కిన ఈ చిత్రంపై ప్రేక్షకుల్లో భారీ అంచనాలు నెలకొన్నాయి.

టాలీవుడ్ లెజెండరీ నటుడు డా. రాజేంద్ర ప్రసాద్ ప్రధాన పాత్రలో నటిస్తున్న తాజా విభిన్న కుటుంబ కథా చిత్రం ‘పాంచాలి పంచభర్తృక’. గంగ సప్తశిఖర దర్శకత్వంలో తెరకెక్కిన ఈ చిత్రంపై ప్రేక్షకుల్లో భారీ అంచనాలు నెలకొన్నాయి. ఈ సినిమా ఈ నెల 14న ప్రపంచవ్యాప్తంగా ఘనంగా థియేటర్లలో విడుదల కానుంది. ఈ నేపథ్యంలో చిత్ర యూనిట్ హైదరాబాద్‌లో అత్యంత వైభవంగా ప్రీ రిలీజ్ వేడుకను నిర్వహించింది. ఈ వేడుకకు సినీ ప్రముఖులు, నటీనటులు పెద్ద సంఖ్యలో హాజరై సినిమా విజయంపై తమ ధీమాను వ్యక్తం చేశారు.

ఈ కార్యక్రమంలో దర్శకుడు గంగ సప్తశిఖర మాట్లాతుతూ, సినిమాపై తనకున్న నమ్మకాన్ని వినూత్న రీతిలో వ్యక్తం చేశారు. ఈ చిత్రం ఆద్యంతం ప్రేక్షకులను కడుపుబ్బా నవ్విస్తుందని, ఒకవేళ సినిమా నచ్చకపోతే తమ రాయల్ థ్రోన్ బ్యానర్ ఇన్‌స్టాగ్రామ్ పేజీకి సినిమా టికెట్ పెడితే డబ్బులు రిటర్న్ ఇస్తామని ధైర్యంగా ప్రకటించారు. ఈవీవీ సత్యనారాయణ, జంధ్యాల, అనిల్ రావిపూడి సినిమాలాగే ఈ చిత్రంలో కూడా ఫ్రేమ్ నిండా యాక్టర్స్ ఉంటారని, 50కి పైగా నటీనటులు వివిధ పాత్రల్లో అలరించనున్నారని తెలిపారు. రాజేంద్ర ప్రసాద్‌తో పనిచేయడం అద్భుతమని, ఆయన ఈ చిత్రంలో కేవలం నటన మాత్రమే కాకుండా పాటలు, ఫైట్స్‌లోనూ అదరగొట్టారని కొనియాడారు.

కార్యక్రమంలో పాల్గొన్న నటుడు త్రీ ఇయర్స్ పృథ్వీ తన కెరీర్ తొలి రోజులను గుర్తుచేసుకుంటూ భావోద్వేగానికి గురయ్యారు. రాజేంద్ర ప్రసాద్ నటించిన ‘ఆ ఒక్కటీ అడక్కు’ సినిమాతోనే తన ప్రయాణం ప్రారంభమైందని, ఈ చిత్ర వైజాగ్ షెడ్యూల్‌లో ఆయనతో కలిసి పాత రోజులను నెరుకువేసుకున్న క్షణాలు మరువలేనివని అన్నారు. దర్శకుడు గంగ సప్తశిఖర ప్రతిభను మెచ్చుకుంటూ, ఆయన ఈవీవీ గారు లేని లోటును భర్తీ చేయాలని ఆకాంక్షించారు. మ్యూజిక్ డైరెక్టర్ మహేష్ నారాయణ మాట్లాడుతూ, దర్శకుడు తనకు పూర్తి స్వేచ్ఛ ఇవ్వడంతో తక్కువ సమయంలోనే అద్భుతమైన బాణీలు అందించగలిగామని చెప్పారు. ముఖ్యంగా ప్రయోగాత్మకంగా చేసిన కవ్వాలీ సాంగ్‌ను రాజేంద్ర ప్రసాద్ స్వయంగా మెచ్చుకున్నారని తెలిపారు. నటుడు బాల మాట్లాడుతూ, ఈ చిత్రంలో విలన్, డాన్ పాత్రలో నటిస్తున్నప్పటికీ, ఆ పాత్ర ద్వారా కూడా भरपूर వినోదం పండిస్తామని చెప్పారు. సునీత, యోగి, శ్రీనివాస్ తదితరులు మాట్లాడుతూ ఈ సినిమా ప్రేక్షకులకు సంపూర్ణ వినోదాన్ని పంచుతుందని పేర్కొన్నారు.

ఈ చిత్రంలో డా. రాజేంద్ర ప్రసాద్, సరీ ఫర్, రోల్ రిడా, రాజ్ పవన్, జెమినీ సురేష్, వెంకట్ దుగ్గిరెడ్డి, త్రీ ఇయర్స్ పృథ్వీ, బాల, సునీత తదితరులు ప్రధాన తారాగణంగా నటిస్తున్నారు. ఈ చిత్రానికి దర్శకత్వం గంగ సప్తశిఖర అందించగా, రాయల్ థ్రోన్ ప్రొడక్షన్స్‌, ఓం సాయిరాం ఆర్ట్స్‌ బ్యానర్లపై వెంకట్ దుగ్గిరెడ్డి (యూఎస్‌ఏ), రాజ్ పవన్ శ్రీకాంత్ సెట్టివారి, సాయినాథ్ మణ్యం సంయుక్తంగా నిర్మించారు. బాబీ కేఎస్‌ఆర్ కథ అందించగా, రాజ్ పవన్ స్క్రీన్‌ప్లే సమకూర్చారు. సంగీతం మహేశ్ నారాయణ, బి షేక్ అందించగా, కె.వి. ప్రసాద్ సినిమాటోగ్రఫీ నిర్వహించారు. ఎడిటింగ్‌ బాధ్యతలను జానీ బాషా, నాగచైతన్య నిర్వర్తించారు. అన్ని హంగులు పూర్తి చేసుకున్న ఈ సినిమా ఆగస్టు 14న ప్రపంచవ్యాప్తంగా ఘనంగా విడుదలకు సిద్ధమైంది.