Ram Gopal Varma | విచారణకు డుమ్మా.. రాంగోపాల్‌ వర్మకు మరోసారి పోలీసుల నోటీసులు
Ram Gopal Varma | ప్రముఖ దర్శకుడు రాంగోపాల్‌ వర్మ (Ram Gopal Varma)పై ప్ర‌కాశం జిల్లా మద్దిపాడు పీఎస్‌లో కేసు నమోదైన విషయం తెలిసిందే. అయితే ఈ కేసులో నవంబర్ 19 (మంగళవారం)న విచారణకు హాజరుకావాల్సి ఉండగా.. డుమ్మా కొట్టాడు. ఈ నేపథ్యంలో పోలీసులు వర్మ మరోసారి నోటీసులు జారీ చేశారు.
Ram Gopal Varma | ప్రముఖ దర్శకుడు రాంగోపాల్‌ వర్మ (Ram Gopal Varma)పై ప్ర‌కాశం జిల్లా మద్దిపాడు పీఎస్‌లో కేసు నమోదైన విషయం తెలిసిందే. అయితే ఈ కేసులో నవంబర్ 19 (మంగళవారం)న విచారణకు హాజరుకావాల్సి ఉండగా.. డుమ్మా కొట్టాడు. ఈ నేపథ్యంలో పోలీసులు వర్మకు మరోసారి నోటీసులు జారీ చేశారు. ఈ నెల 25న విచారణకు హాజరుకావాలని పోలీసులు నోటీసుల్లో పేర్కొన్నారు.
అంతకుముందు తాను సినిమా షూటింగ్‌లో బిజీగా ఉండటం వల్ల విచారణకు రాలేనని ఒంగోలు రూరల్‌ సర్కిల్‌ ఇన్‌స్పెక్టర్‌ శ్రీకాంత్‌ బాబుకు వాట్సాప్‌లో మెసేజ్‌ పెట్టాడు వర్మ. విచారణకు సహకరిస్తానని చెప్పిన వర్మ పోలీసులను వారం రోజుల గడువు కోరాడు.
సోష‌ల్ మీడియాలో పోస్ట్‌ల ఎఫెక్ట్‌..
వ్యూహం సినిమా స‌మ‌యంలో టీడీపీ అధినేత, ఏపీ సీఎం నారా చంద్రబాబు నాయుడు, మంత్రి లోకేష్‌, నారా బ్రాహ్మాణిల‌ను కించ‌ప‌రిచేలా రామ్ గోపాల్ వర్మ సోష‌ల్ మీడియాలో పోస్ట్‌లు పెట్టినందుకు గాను మద్దిపాడు టీడీపీ మండ‌ల ప్ర‌ధాన కార్య‌ద‌ర్శి రామ‌లింగం పోలీసులకు ఫిర్యాదు చేశాడు. ఈ మేరకు పోలీసులు వ‌ర్మ‌పై కేసు న‌మోదు చేశారు.
ఈ కేసులో విచారణకు హాజ‌రుకావాల్సిందిగా ఏపీ పోలీసులు వర్మకు నోటీసులు ఇవ్వగా.. మంగళవారం వర్మ కోర్టుకు హాజరుకావాల్సి ఉంది. అయితే అంత‌కంటే ముందే వర్మ ఏపీ హైకోర్ట్‌ను ఆశ్రయించి క్వాష్ పిటిషన్ దాఖలు చేశారు. అయితే వర్మ క్యాష్ పిటిష‌న్‌ను విచారించిన హైకోర్టు వర్మ చేసిన వ్యాఖ్య‌ల ప‌ట్ల పిటిషన్ కొట్టివేసింది. అలాగే అరెస్ట్ నుంచి తాము రక్షించలేమని వర్మ న్యాయవాదికి కోర్టు స్పష్టం చేసింది. ఏదైనా ఉంటే బెయిల్ పిటిషన్ వేసుకోవాలని సూచించింది.
Read Also :
Mammootty | మాలీవుడ్ మల్టీస్టారర్‌ కోసం శ్రీలంకలో మమ్ముట్టి, మోహన్‌ లాల్‌.. ఫొటోలు వైరల్
Theatre Reviews | ఇకపై థియేటర్ల ముందు రివ్యూలకు నో ఛాన్స్‌.. !
AR Rahman: భార్య సైరాకు బ్రేక‌ప్ చెప్పిన ఆస్కార్ విన్న‌ర్ ఏఆర్ రెహ్మాన్
Bacchala Malli | ఆ తేదీనే బచ్చలమల్లి.. అల్లరి నరేశ్‌ రిలీజ్ లుక్‌ వచ్చేసింది
Read Today's Latest Cinema News in Telugu and Telugu News
- Follow Us :
-
