అంబరాన్ని తాకిన అభిమానం

అగ్ర హీరో ఎన్టీఆర్‌ ఫ్యాన్‌ ఫాలోయింగ్‌ గురించి ప్రత్యేకంగా చెప్పాల్సిన పని లేదు. మ్యాన్‌ ఆఫ్‌ మాసెస్‌, సిల్వర్‌ స్క్రీన్‌ డైనమైట్‌ అంటూ అభిమానులు ఆయన్ని గర్వంగా పిలుస్తుంటారు.

అగ్ర హీరో ఎన్టీఆర్‌ ఫ్యాన్‌ ఫాలోయింగ్‌ గురించి ప్రత్యేకంగా చెప్పాల్సిన పని లేదు. మ్యాన్‌ ఆఫ్‌ మాసెస్‌, సిల్వర్‌ స్క్రీన్‌ డైనమైట్‌ అంటూ అభిమానులు ఆయన్ని గర్వంగా పిలుస్తుంటారు. ‘ఆర్‌ఆర్‌ఆర్‌’ చిత్రంతో ఎన్టీఆర్‌ క్రేజ్‌ అంతర్జాతీయ స్థాయికి చేరుకుంది. ఈ నేపథ్యంలో హృతిక్‌రోషన్‌, ఎన్టీఆర్‌ కలిసి నటించిన స్పైయాక్షన్‌ థ్రిల్లర్‌ ‘వార్‌-2’ ఆగస్ట్‌ 14న ప్రపంచవ్యాప్తంగా ప్రేక్షకుల ముందుకురానుంది.

హిందీలో ఎన్టీఆర్‌ నటించిన తొలిస్ట్రెయిట్‌ చిత్రమిదే కావడంతో అంచనాలు మరింత ఎక్కువయ్యాయి. ఈ సినిమా కోసం కొందరు అభిమానులు వినూత్నరీతిలో ప్రమోషన్స్‌ నిర్వహిస్తూ ఆకట్టుకుంటున్నారు.

తాజాగా ఆస్ట్రేలియాలోని మెల్‌బోర్న్‌ నగరంలో ఎన్టీఆర్‌ ఫ్యాన్స్‌ సరికొత్త పంథాలో ప్రచార కార్యక్రమాల్ని నిర్వహించారు. ప్రత్యేక ఏర్పాట్లతో విమానాల ద్వారా ఆకాశంలో ఎన్టీఆర్‌, వార్‌-2 అనే పేర్లను డిస్‌ప్లే చేశారు. గగనవేదికపై తమ అభిమాన కథానాయకుడి పేరు చూసుకొని అక్కడి ఫ్యాన్స్‌ థ్రిల్‌ ఫీలయ్యారు. ప్రస్తుతం ఈ వీడియో సోషల్‌మీడియాలో వైరల్‌గా మారింది. యశ్‌రాజ్‌ ఫిల్మ్స్‌ స్పై యూనివర్స్‌లో భాగంగా రూపొందించిన ‘వార్‌-2’ చిత్రానికి ఆయాన్‌ముఖర్జీ దర్శకత్వం వహించారు.