అమెరికా న్యూ జెర్సీలోని ఎడిసన్ నగరంలో ఎన్టీఆర్ విగ్రహాన్ని ఏర్పాటు చేయబోతున్నారు. నార్త్ అమెరికన్ సీమ ఆంధ్ర అసోసియేషన్ ఆధ్వర్యంలో ఈ విగ్రహ ఏర్పాటు జరగనుంది. ఈ మేరకు ఆ నగర మేయర్ సామ్ జోషి అంగీకరించినట్లు సంఘ ప్రతినిధులు తెలిపారు. నిర్మాత టీజీ విశ్వప్రసాద్ ఈ కార్యక్రమాన్ని కో ఆర్డినేట్ చేస్తున్నారు. ఎన్టీఆర్ విగ్రహాన్ని అమెరికాలో ఏర్పాటు చేయడం ఇదే మొదటిసారి. ఆయన శత జయంతి ఏడాది సందర్భంగా విగ్రహ స్థాపనకు సన్నాహాలు చేస్తున్నామని టీజీ విశ్వప్రసాద్ తెలిపారు.