Macharla Niyojakavargam | మాస్ అవ‌తారంలో నితిన్.. ఆక‌ట్టుకుంటున్న ‘మాచ‌ర్ల‌ నియోజ‌క‌వ‌ర్గం’ ఫ‌స్ట్ ఎటాక్‌

ప్ర‌స్తుతం టాలీవుడ్ యువ హీరోలు మాస్ ఇమేజ్ తెచ్చుకోవ‌డానికి ప్ర‌య‌త్నిస్తున్నారు.ఇదే వ‌రుస‌లో యూత్ స్టార్ నితిన్ కూడా మాస్ సినిమాతో ప్రేక్షకుల‌ను ప‌లక‌రించ‌డానికి సిద్ధ‌మ‌వుతున్నాడు.

March 30, 2022 / 01:28 PM IST

Macharla Niyojakavargam | మాస్ అవ‌తారంలో నితిన్.. ఆక‌ట్టుకుంటున్న ‘మాచ‌ర్ల‌ నియోజ‌క‌వ‌ర్గం’ ఫ‌స్ట్ ఎటాక్‌

Nithiin Macharla Niyojakavargam First Attack | ప్ర‌స్తుతం టాలీవుడ్ యువ హీరోలు మాస్ ఇమేజ్ తెచ్చుకోవ‌డానికి ప్ర‌య‌త్నిస్తున్నారు. మాస్ క‌థ‌లు ఉంటేనే ద‌ర్శ‌క నిర్మాత‌లను క‌ల‌వ‌డానికి సిద్దంగా ఉంటున్నార‌ట‌.ఎందుకుంటే ఫ్యామిలీ సినిమాల‌తో పోల్చితే మాస్ సినిమాల‌తో ప్రేక్ష‌కుల‌లో విప‌రీత‌మైన క్రేజ్ వ‌స్తుంది. ఇప్ట‌టికే విజ‌య్, నాని, రామ్ వంటి యువ హీరోలు పూర్తీ స్థాయి మాస్ సినిమాల‌లో న‌టించారు. ఇదే వ‌రుస‌లో యూత్ స్టార్ నితిన్ కూడా మాస్ సినిమాతో ప్రేక్షకుల‌ను ప‌లక‌రించ‌డానికి సిద్ధ‌మ‌వుతున్నాడు. ప్ర‌స్తుతం ఈయ‌న‌ న‌టిస్తున్న లేటెస్ట్ చిత్రం ‘మాచ‌ర్ల నియోజ‌క వ‌ర్గం’. రొటీన్‌కు భిన్నంగా నితిన్ ఈ సారి పొలిటిక‌ల్ థ్రిల్ల‌ర్ క‌థ‌తో రానున్నాడు. ప్ర‌ముఖ ఎడిట‌ర్ ఎంఎస్‌.రాజ‌శేఖ‌ర్ రెడ్డి ద‌ర్శ‌క‌త్వం వ‌హిస్తున్నాడు. ఇప్ప‌టికే చిత్రం నుంచి విడుదలైన టైటిల్ పోస్ట‌ర్ ప్రేక్ష‌కుల‌ను విప‌రీతంగా ఆక‌ట్టుకుంది. నితిన్ బ‌ర్త్‌డే సంద‌ర్భంగా మేక‌ర్స్ ఈ చిత్రం నుంచి ఫ‌స్ట్ ఎటాక్ వీడియోను విడుద‌ల చేశారు.

తాజాగా విడుద‌లైన ఈ వీడియో గ‌మ‌నిస్తే జాత‌ర‌లో జ‌రిగే ఫైటింగ్ స‌న్నివేశంలా అనిపిస్తుంది. పులి గెట‌ప్‌లో విల‌న్లు నితిన్‌పై క‌త్తుల‌తో దాడి చేస్తుంటే నితిన్ సింహంలా వాళ్ళ‌కు ఎదురు నిలుస్తూ విల‌న్ల‌ను మ‌ట్టిక‌రిపిస్తున్నాడు. మ‌హ‌తి స్వ‌ర సాగ‌ర్ నేప‌థ్య సంగీతం ప్ర‌త్యేక ఆక‌ర్ష‌ణగా నిలుస్తుంది. ప్ర‌సాద్ మూరెళ్ళ కెమెరాత‌నం గొప్ప‌గా ఉంది. నితిన్ ఈ చిత్రంలో గుంటూరు జిల్లా క‌లెక్ట‌ర్ పాత్ర‌లో న‌టించ‌నున్నాడు. మొద‌టి సారిగా నితిన్ పూర్తీ స్థాయి సీరియస్ పాత్ర‌లో న‌టిస్తున్నాడు. రాజ్‌కుమార్ ఆకెళ్ళ స‌మ‌ర్ప‌ణ‌లో శ్రేష్ఠ్ మూవీస్ బ్యాన‌ర్‌పై సుధాక‌ర్‌రెడ్డి, నిఖితా రెడ్డి నిర్మిస్తున్నారు. ప్ర‌స్తుతం చిత్రీక‌ర‌ణ జ‌రుపుకుంటున్న ఈ చిత్రంలో కృతిశెట్టి, కేథ‌రీన్ థ్రెస్సా హీరోయిన్‌గా న‌టిస్తుంది.