Nidhhi Agerwal | హ‌రిహ‌రవీర‌మ‌ల్లు స్టోరీ లైన్ రివీల్‌ చేసిన నిధి అగ‌ర్వాల్‌

January 14, 2022 / 07:59 PM IST

Nidhhi Agerwal about Pawan kalyan HariHara Veeramallu — Nidhhi Agerwal about HariHara Veeramallu

Nidhhi Agerwal about HariHara Veeramallu | క్రిష్ ద‌ర్శ‌క‌త్వంలో ప‌వ‌ర్ స్టార్ ప‌వ‌న్ క‌ళ్యాణ్ క‌థానాయ‌కుడిగా తెర‌కెక్కుతున్న చిత్రం హ‌రిహ‌ర‌వీర‌మ‌ల్లు. ప‌వ‌న్ క‌ళ్యాణ్ న‌టిస్తున్న తొలి హిస్టారిక‌ల్ మూవీ ఇది. ఈ సినిమాను భారీ బ‌డ్జెట్‌తో ఏఎం రత్నం నిర్మిస్తున్నారు. నిధి అగ‌ర్వాల్ క‌థానాయిక‌గా న‌టిస్తోంది. ఇప్ప‌టికే ఈ సినిమా నుంచి విడుద‌లైన ప‌వ‌న్ క‌ళ్యాణ్ టీజ‌ర్ లుక్ ప్రేక్ష‌కుల‌ను విప‌రీతంగా ఆక‌ట్టుకుంది. దీంతో ఈ సినిమా ఎప్పుడెప్పుడు వస్తుందా అని ఫ్యాన్స్ ఆస‌క్తిగా ఎదురుచూస్తున్నారు. ఈ క్ర‌మంలో సినిమా గురించి ఆస‌క్తిక‌ర విష‌యాన్ని బ‌య‌ట‌పెట్టింది ఇస్మార్ట్ బ్యూటీ నిధి అగ‌ర్వాల్‌.

16వ శతాబ్దం నేప‌థ్యంలో హ‌రిహ‌ర వీర‌మ‌ల్లు సినిమాను ద‌ర్శ‌కుడు క్రిష్ తెర‌కెక్కిస్తున్నాడు. ఇందులో ప‌వ‌న్ క‌ళ్యాణ్ బందిపోటుగా న‌టిస్తున్నాడు. బాలీవుడ్ న‌టుడు అర్జున్ రామ్‌పాల్ ఔరంగ‌జేబు పాత్ర‌లో క‌నిపించ‌నున్నాడు. కోహినూర్ వజ్రం దొంగ‌త‌నం నేప‌థ్యంలో ఈ సినిమా ఉంటుంద‌నే వార్త‌లు కూడా వినిపిస్తున్నాయి. సుమారు 180 కోట్ల బ‌డ్జెట్‌తో ఈ సినిమా తెర‌కెక్కుతుంద‌ని స‌మాచారం. ఈ సినిమా కాన్సెప్ట్ ఏంటి? ఎలా ఉండ‌బోతుంద‌నే విష‌యాలు తెలియ‌కుండా డైరెక్ట‌ర్ క్రిష్ చాలా జాగ్ర‌త్త‌లు తీసుకుంటున్నారు. కానీ నిధి అగ‌ర్వాల్ మాత్రం ఈ సినిమా స్టోరీ లైన్‌ను రివీల్‌ చేసింది.

నిధి అగ‌ర్వాల్ న‌టించిన హీరో సినిమా సంక్రాంతి కానుక‌గా జ‌న‌వ‌రి 15న వ‌స్తుంది. ఈ క్ర‌మంలో సినిమా ప్ర‌మోష‌న్స్‌లో పాల్గొన్న నిధి అగర్వాల్‌.. హ‌రిహ‌రవీర‌మ‌ల్లు సినిమా గురించి ఆస‌క్తిక‌ర విష‌యాలు పంచుకుంది. ఇది పూర్తిగా పీరియాడిక‌ల్ సినిమానే అయినా రెండు కాలాల్లో జ‌రిగే క‌థ అని బ‌య‌ట‌పెట్టింది. అప్ప‌టి కాలానికి.. ఇప్ప‌టి కాలానికి ముడిపెడుతూ సినిమా ఉండ‌బోతుంద‌ని చెప్పింది. నిధి చెప్పిన దాని ప్ర‌కారం హ‌రిహ‌ర వీర‌మ‌ల్లు సినిమాలో ప‌వ‌న్ క‌ళ్యాణ్ రెండు విభిన్న పాత్ర‌ల్లో న‌టిస్తున్నాడ‌ని నెటిజ‌న్లు అంచ‌నా వేస్తున్నారు. మొత్తానికి నిధి అగ‌ర్వాల్ వ్యాఖ్య‌లు ఇప్పుడు సోష‌ల్‌మీడియాలో వైర‌ల్‌గా మారాయి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి