భీమ్లా నాయ‌క్ రిలీజ్‌పై మ‌రోసారి క్లారిటీ.. అదిరిపోయిన న‌యా పోస్ట‌ర్‌

January 15, 2022 / 07:40 PM IST

Bheemla nayak release date | ప‌వ‌ర్ స్టార్ ప‌వ‌న్ క‌ళ్యాణ్ న‌టించిన తాజా చిత్రం భీమ్లా నాయ‌క్‌. రానా ద‌గ్గుబాటి మ‌రో కీల‌క పాత్ర‌లో న‌టిస్తున్నాడు. అయ్య‌ప్ప‌నుమ్ కోశియుమ్ అనే మ‌ల‌యాళ చిత్రానికి రీమేక్‌గా వ‌స్తున్న ఈ సినిమాపై ముందు నుంచి భారీ అంచ‌నాలే ఉన్నాయి. దీనికి తోడు ఇప్ప‌టివ‌ర‌కు విడుద‌ల చేసిన పోస్ట‌ర్లు, సాంగ్స్ ప్రేక్ష‌కుల‌ను విప‌రీతంగా ఆక‌ట్టుకున్నాయి. దీంతో ఈ సినిమా కోసం ప‌వ‌న్ క‌ళ్యాణ్ ఫ్యాన్స్ ఆస‌క్తిగా ఎదురుచూస్తున్నారు. నిజానికి ఈ సినిమా సంక్రాంతి కానుక‌గా జ‌న‌వ‌రి 12న విడుద‌ల కావాల్సింది. కానీ ట్రిపుల్ ఆర్‌, రాధేశ్యామ్ వంటి పాన్ ఇండియా సినిమాలు విడుద‌ల‌కు ఉన్నాయ‌ని భీమ్లానాయ‌క్ రిలీజ్‌ను పోస్ట్ పోన్ చేయించారు. దీంతో ఫ్యాన్స్ తీవ్ర నిరాశ చెందారు. ఈ క్రమంలో ఫ్యాన్స్‌ను థ్రిల్ చేస్తూ చిత్ర యూనిట్ ఒక పోస్ట‌ర్‌ను విడుద‌ల చేసింది.

మీకు మీ కుటుంబ సభ్యులకు సంక్రాంతి శుభాకాంక్షలు! ✨

– Team #BheemlaNayak @pawankalyan @RanaDaggubati #Trivikram @saagar_chandrak @MenenNithya @MusicThaman @iamsamyuktha_ @dop007 @NavinNooli @vamsi84 @adityamusic pic.twitter.com/1qvzPE90YC
— Sithara Entertainments (@SitharaEnts) January 15, 2022

భీమ్లా నాయ‌క్ నుంచి విడుద‌లైన తాజా పోస్ట‌ర్‌లో ప‌వ‌న్ క‌ళ్యాణ్ గొడ్డ‌లి ప‌ట్టుకుని సీరియ‌స్‌గా చూస్తుండ‌గా.. అత‌ని వెన‌కాల సిగ‌రెట్ తాగుతూ రానా స్టైల్‌గా నిలుచున్నాడు. ఇప్పుడు ఈ పోస్ట‌ర్‌ ప‌వ‌ర్ స్టార్ ఫ్యాన్స్‌ను విప‌రీతంగా ఆక‌ట్టుకుంటుంది. ఇక ఈ పోస్ట‌ర్‌ను రిలీజ్ చేయ‌డ‌మే కాకుండా.. అందులో మ‌రోసారి రిలీజ్ డేట్‌ను క‌న్ఫార్మ్ చేసింది సితార ఎంట‌ర్‌టైన్‌మెంట్స్‌. క‌రోనా కార‌ణంగా ట్రిపుల్ ఆర్‌, రాధేశ్యామ్‌, ఆచార్య సినిమాల రిలీజ్ వాయిదా ప‌డిన సంగ‌తి తెలిసిందే. ఈ క్ర‌మంలో భీమ్లా నాయ‌క్ అనుకున్న స‌మ‌యానికే వ‌స్తుంద‌ని క్లారిటీ ఇచ్చింది. ఫిబ్ర‌వ‌రి 25న భీమ్లా నాయ‌క్ సినిమా విడుద‌ల‌వుతుంద‌ని పోస్ట‌ర్‌లో పేర్కొంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి