టీజర్‌ వచ్చేది ఆ రోజే

అగ్ర హీరో నాని నటిస్తున్న పాన్‌ ఇండియా యాక్షన్‌ డ్రామా ‘ది ప్యారడైజ్‌'. మోహన్‌బాబు కీలక పాత్ర పోషిస్తున్న ఈచిత్రంలో కయాదు లోహర్‌ కథానాయిక. శ్రీకాంత్‌ ఓదెల దర్శకుడు. సుధాకర్‌ చెరుకూరి నిర్మాత. నిర్మాణం తుది దశకు చేరుకున్న ఈ చిత్రం త్వరలో విడుదల కానున్నది.

అగ్ర హీరో నాని నటిస్తున్న పాన్‌ ఇండియా యాక్షన్‌ డ్రామా ‘ది ప్యారడైజ్‌’. మోహన్‌బాబు కీలక పాత్ర పోషిస్తున్న ఈచిత్రంలో కయాదు లోహర్‌ కథానాయిక. శ్రీకాంత్‌ ఓదెల దర్శకుడు. సుధాకర్‌ చెరుకూరి నిర్మాత. నిర్మాణం తుది దశకు చేరుకున్న ఈ చిత్రం త్వరలో విడుదల కానున్నది. ప్రచారంలో భాగంగా ఈ నెల 6న ఈ సినిమా టీజర్‌ని మేకర్స్‌ విడుదల చేయనున్నారు.

ఈ విషయాన్ని తెలుపుతూ శుక్రవారం ప్రకటన విడుదల చేశారు. 1నిమిషం 35సెకన్ల నిడివి గల ఈ టీజర్‌ ‘ది ప్యారడైజ్‌’ ప్రపంచాన్ని ఆవిష్కరించనున్నదని, కథలోని భావోద్వేగాల తీవ్రతను చూపించబోతున్నదని మేకర్స్‌ తెలిపారు. రాఘవ్‌ జుయాల్‌, సోనాలి కులకర్ణి, సంపూర్ణేష్‌బాబు, తనికెళ్ల భరణి ఇతర పాత్రలు పోషిస్తున్న ఈ చిత్రం తెలుగు, తమిళం, కన్నడ, మలయాళ, హిందీ, బెంగాలీ, ఇంగ్లిష్‌, స్పానిష్‌ భాషల్లో ప్రపంచవ్యాప్తంగా విడుదల కానున్నది. ఈచిత్రానికి కెమెరా: సీహెచ్‌ బాబు, సంగీతం: అనిరుధ్‌ రవిచందర్‌, నిర్మాణం: ఎస్వీఎల్‌ సినిమా.